ଇନାଡୁ ସମ୍ପାଦକୀୟ
ହାଇଦ୍ରାବାଦ: ଭାରତ ୨୦୩୬ ଅଲିମ୍ପିକ୍ ଆୟୋଜନ କରିବାର ସମ୍ମାନ ପାଇବାକୁ ଯୋଜନା କରୁଛି । ତେବେ ଏହି ବିଶ୍ବସ୍ତରୀୟ ପ୍ରତିଯୋଗିତାରେ ଶ୍ରେଷ୍ଠ ବିଜେତାମାନଙ୍କ ମଧ୍ୟରେ ଭାରତର ଉପସ୍ଥିତି ସୁନିଶ୍ଚିତ କରିବା ଲାଗି ଯଥାଶୀଘ୍ର ଏକ ରଣନୀତି ପ୍ରସ୍ତୁତ ହେବା ଆବଶ୍ୟକ । କାରଣ ପ୍ରତି ୪ ବର୍ଷରେ ଆୟୋଜିତ ହେଉଥିବା ଅଲିମ୍ପିକ୍ସ କୋଟି କୋଟି ପ୍ରଶଂସକ ଏବଂ ବିଶ୍ଳେଷକଙ୍କୁ ଆକର୍ଷିତ କରିଥାଏ । ଆଥଲେଟିକ୍ ଶକ୍ତି ଏବଂ ବିଶ୍ବ ଏକତାର ଏକ ଚମତ୍କାର ନିଦର୍ଶନ ପାଲଟିଥାଏ ଏହି ପ୍ରତିଯୋଗିତା । ଏହା 'ବସୁଧୈବ କୁଟୁମ୍ବକମ୍' (ବିଶ୍ବ ଏକ ପରିବାର)ର ଗଭୀର ନୀତିକୁ ଧାରଣ କରେ ।
ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରାୟ ୧୪୦ କୋଟି ଭାରତୀୟଙ୍କ ସ୍ବପ୍ନକୁ ପ୍ରତିଫଳିତ କରିବା ଲାଗି ସମ୍ମାନଜନକ ଅଲିମ୍ପିକ୍ସ ଗେମ୍ସକୁ ଭାରତକୁ ଆଣିବା ପାଇଁ ଏକ ପ୍ରତିବଦ୍ଧତା ଗ୍ରହଣ କରିଛନ୍ତି । ମାୟାନଗରୀ ମୁମ୍ବାଇ ସହରରେ ଆୟୋଜିତ ହୋଇଥିବା ଅନ୍ତର୍ଜାତୀୟ ଅଲିମ୍ପିକ୍ କମିଟି (IOC) ଶିଖର ସମ୍ମିଳନୀରେ ଏହି ଘୋଷଣା କରାଯାଇଥିଲା । ଯେଉଁଠାରେ ପ୍ରଧାନମନ୍ତ୍ରୀ ମୋଦି ଭାରତରେ ୨୦୩୬ ଅଲିମ୍ପିକ୍ ଆୟୋଜନ କରିବା ଲାଗି ଏକ ଦୃଢ ସଂକଳ୍ପ ନେଇଥିଲେ ।
ଆସନ୍ତା ବର୍ଷ ପ୍ୟାରିସରେ ଅଲିମ୍ପିକ୍ସ ଆୟୋଜନକୁ ନେଇ ପୁରା ବିଶ୍ବ ଅପେକ୍ଷା କରି ରହିଥିବା ବେଳେ ୨୦୨୮ରେ ଲସ ଆଞ୍ଜେଲ୍ସରେ ଏହି ବିଶ୍ବସ୍ତରୀୟ ଗେମ୍ସ ଖେଳାଯିବ । ସେପଟେ ୨୦୩୨ରେ ଅଷ୍ଟ୍ରେଲିଆର ବ୍ରିସବେନ ସହର ଅଲିମ୍ପିକ୍ସ ଆୟୋଜନ କରି ଏହି ସମ୍ମାନ ଗ୍ରହଣ କରିବ । ଗତ ଡିସେମ୍ବରରେ ଭାରତ ଅଲିମ୍ପିକ୍ସ ଆୟୋଜକ ଭାବେ ଅଧିକାର ହାସଲ କରିଥିବା ପ୍ରକାଶ କରିଥିଲେ କେନ୍ଦ୍ର କ୍ରୀଡ଼ାମନ୍ତ୍ରୀ ଅନୁରାଗ ଠାକୁର । ବିଶେଷ କରି ଅହମ୍ମଦାବାଦ ସହରରେ ଏହି ବିଶ୍ବସ୍ତରୀୟ ପ୍ରତିଯୋଗିତା ଆୟୋଜିତ ହୋଇପାରିବ ବୋଲି ସେ କହିଥିଲେ ।
ଭାରତ ନିଜର ଆଭିମୁଖ୍ୟ ରଖିବା ପରେ ଇଣ୍ଡୋନେସିଆ, ଜର୍ମାନୀ ଏବଂ କତାର ଭଳି ଦେଶ ସହିତ ପ୍ରତିଯୋଗିତାର ସମ୍ମୁଖୀନ ହୋଇଛି । ସମସ୍ତେ ଏହି ବଡ଼ ଧରଣର କ୍ରୀଡା ଇଭେଣ୍ଟ ଆୟୋଜନ କରିବାର ସମ୍ମାନଜନକ ସୁଯୋଗ ପାଇଁ ସଂଘର୍ଷ କରୁଛନ୍ତି। ଅଲିମ୍ପିକ୍ସ ଆୟୋଜନ ଏକ ସ୍ମରଣୀୟ ପ୍ରୟାସ । ଏଥିଲାଗି ପର୍ଯ୍ୟାପ୍ତ ପରିମାଣର ଅର୍ଥ ସହିତ ବ୍ୟାପକ ଭିତ୍ତିଭୂମି ବିକାଶ, ଉନ୍ନତ ସହରୀ ସୁବିଧା, ବର୍ଦ୍ଧିତ ଶକ୍ତି ଏବଂ ଜଳ ଯୋଗାଣ ପ୍ରଣାଳୀ, ବର୍ଜ୍ୟବସ୍ତୁ ପରିଚାଳନା ଏବଂ ଅପରିପକ୍ବ ପରିମଳ ମାନଦଣ୍ଡ ଅନ୍ତର୍ଭୁକ୍ତ ।
ଏହା ବି ପଢନ୍ତୁ- Asian Games 2023: ଚୀନ, ଜାପାନ, ଦକ୍ଷିଣ କୋରିଆ ତୁଳନାରେ ଭାରତର ସ୍ଥିତି କେଉଁଠି ? ଜାଣନ୍ତୁ
ଅଲିମ୍ପିକ୍ସରେ ୨୦୦ରୁ ଅଧିକ ଦେଶର ହଜାର ହଜାର ଆଥଲେଟ୍ ଏବଂ ଅସଂଖ୍ୟ ଦର୍ଶକଙ୍କ ପାଇଁ ଏକ ଆତିଥ୍ୟ ଓ ଦକ୍ଷ ପରିବେଶ ସୃଷ୍ଟି କରିବା ନିହାତି ଜରୁରୀ । ସମ୍ପ୍ରତି ଟୋକିଓ ଅଲିମ୍ପିକ୍ସ ସମୟରେ ହୋଇଥିବା ବିପୁଳ ଖର୍ଚ୍ଚକୁ ବିଚାରକୁ ନେଲେ ଏହା ପ୍ରଥମେ ୭୦୦ କୋଟି ଡଲାର (ପ୍ରାୟ ୫୮ ହଜାର କୋଟି ଟଙ୍କା) ବୋଲି ଆକଳନ କରାଯାଇଥିଲା । ଯାହା ଶେଷରେ ଦ୍ବିଗୁଣିତ ହୋଇଥିଲା । ଏଣୁ ସ୍ବଚ୍ଛତା ବଜାୟ ରଖିବା ଏକ ଗୁରୁତ୍ବପୂର୍ଣ୍ଣ ଦିଗ । ନୂଆଦିଲ୍ଲୀରେ ଆୟୋଜିତ ୨୦୧୦ କମନୱେଲ୍ଥ ଗେମ୍ସରେ ଦୁର୍ନୀତି ହୋଇଥିଲା । ଅତୀତର ଅନୁଭୂତିରୁ ମଧ୍ୟ ଆମେ ଶିକ୍ଷା ଗ୍ରହଣ କରିବା ଉଚିତ ।
ଅନ୍ତର୍ଜାତୀୟ ଆତିଥ୍ୟ ମାନକ ବଜାୟ ରଖିବା ସହିତ କ୍ରୀଡା ଏବଂ ପଦକ ହାସଲ ଦିଗରେ ଉତ୍କର୍ଷତା ବଜାୟ ରଖିବା ମଧ୍ୟ ସମାନ ଗୁରୁତ୍ବପୂର୍ଣ୍ଣ । ୨୦୨୧ ମସିହାରେ ଟୋକିଓକୁ ଆସିଥିବା ଭାରତୀୟ ପ୍ରତିନିଧି ଦଳ ୧୨୫ କୁଶଳୀ ଆଥଲେଟଙ୍କୁ ସାମିଲ କରିଥିଲେ । ସେ ୭ଟି ପଦକ ସହିତ ଘରକୁ ଫେରିଥିଲେ, ଯେଉଁଥିରେ ଗୋଟିଏ ସ୍ବର୍ଣ୍ଣ ଏବଂ ୨ଟି ରୌପ୍ୟ ପଦକ ଥିଲା । ଏହି ପ୍ରଶଂସନୀୟ ସଫଳତା ଭାରତକୁ ମୋଟ ମାନ୍ୟତାରେ ୪୮ ତମ ସ୍ଥାନରେ ପହଞ୍ଚାଇଥିଲା । ତେବେ ପ୍ରଥମ ଏବଂ ଦ୍ବିତୀୟ ରାଙ୍କିଂ ଦେଶ ଭାବରେ ଆମେରିକା ଏବଂ ଚୀନ ନିଜର ପ୍ରାଧାନ୍ୟ ବଜାୟ ରଖିଥିଲେ । ସେପଟେ ଆୟୋଜକ ଜାପାନ ୨୭ଟି ସ୍ବର୍ଣ୍ଣ, ୧୪ଟି ରୌପ୍ୟ ଏବଂ ୧୭ଟି ବ୍ରୋଞ୍ଜ ପଦକ ସହ ତୃତୀୟ ସ୍ଥାନ ଅଧିକାର କରିଥିଲା ।
ଆସନ୍ତା ୨୦୨୪ରେ ପ୍ୟାରିସ ଅଲିମ୍ପିକ୍ସରେ ଜାପାନ ଠାରୁ ୧୦ ଗୁଣା ଜନସଂଖ୍ୟା ଥିବା ଭାରତ ୨ ସଂଖ୍ୟକ ପଦକ ହାସଲ କରିବା ଲାଗି ଅଭିଳାଷା ଦେଖାଇଛି । ସାଉଥ ଏସିଆନ ଗେମ୍ସରେ ଭାରତର ପ୍ରଦର୍ଶନ ପ୍ରଶଂସନୀୟ ରହିଥିବା ବେଳେ ଏହା ଅଲିମ୍ପିକ୍ସ ପଦକ ସଂଖ୍ୟା ବୃଦ୍ଧି ଲାଗି ମଧ୍ୟ ଆଶା ପ୍ରକଟ କରିଛି । ସବୁରି ପରେ ଯଦି ଭାରତ ଅଲିମ୍ପିକ୍ସ ଆୟୋଜନ କରିବାକୁ ଚାହୁଁଛି, ତେବେ ହୋଷ୍ଟ ନେସନ୍ ଭାବେ ଭାରତ ଏହି ବିଶ୍ବସ୍ତରୀୟ ପ୍ରତିଯୋଗିତାରେ ନିହାତି ଭଲ ପ୍ରଦର୍ଶନ କରିବା ଜରୁରୀ । ଏହାଦ୍ବାରା ଭାରତ ସ୍ପୋର୍ଟିଂ ପାୱାର ହାଉସ୍ ଭାବେ ନିଜକୁ ପ୍ରମାଣିତ କରିପାରିବ ।
ଏହାକୁ ସଫଳ କରିବା ଲାଗି ଭାରତକୁ କୁଶଳୀ ଆଥଲେଟ୍ ଚୟନ ଓ ପ୍ରଶିକ୍ଷଣ ଦିଗରେ ବ୍ୟାପକ ବ୍ୟବସ୍ଥା ଗ୍ରହଣ କରିବା ଉଚିତ । ଏହା ସୁଦୃଢ ହେଲେ ପଦକ ସଂଖ୍ୟା ମଧ୍ୟ ବୃଦ୍ଧି ପାଇବ । ଏବେ ଭାରତୀୟ ଅଲିମ୍ପିକ୍ ସଂଘ (IOA) ଓ ଭାରତୀୟ ଅଲିମ୍ପିକ୍ କମିଟି (IOC)ରେ ବିବାଦ ଘନେଇବାରେ ଲାଗିଛି । ବିଶେଷ ଭାବରେ ଏକ ପୂର୍ଣ୍ଣକାଳୀନ ସିଇଓ ନିଯୁକ୍ତ କରିବା ଦିଗରେ ଏହି ୨ ସଂଗଠନ ମଧ୍ୟରେ ବିବାଦ ମୁଖ୍ୟ କାରଣ ପାଲଟିଛି । ଭବିଷ୍ୟତକୁ ଦେଖିଲେ ୨୦୨୫ରେ ନୂଆ IOC ଅଧ୍ୟକ୍ଷ ନିର୍ବାଚନ ହେବା ସୁନିଶ୍ଚିତ । ଯାହାଦ୍ବାରା ୨୦୩୬ ଅଲିମ୍ପିକ୍ ଆୟୋଜକ ଭାବେ ଭାରତର ସ୍ବପ୍ନ ସାକାର ହୋଇପାରିବ ।
ସମ୍ମାନଜନକ ଅଲିମ୍ପିକ୍ ଆୟୋଜକ ଭାବେ ଭାରତର ଭୂମିକା ଯାହା ବି ହେଉ ନା କାହିଁକି, କିନ୍ତୁ ଏହି ବିଶ୍ବସ୍ତରୀୟ ପ୍ରତିଯୋଗିତାରେ ଶୀର୍ଷ ବିଜେତା ଦେଶ ମଧ୍ୟରେ ଭାରତ ନିଜ ଉପସ୍ଥିତି ସୁନିଶ୍ଚିତ କରିବା ଆବଶ୍ୟକ । ଏଥିଲାଗି ତୁରନ୍ତ ସକ୍ରିୟ ରଣନୀତି ପ୍ରସ୍ତୁତ କରିବା ସହ ଏହାକୁ ଲାଗୁ କରିବା ଦରକାର । ଏହି ରଣନୀତି ଜରିଆରେ ପ୍ରାଥମିକ ବିଦ୍ୟାଳୟଠୁ ଆରମ୍ଭ କରି ବିଶେଷ କ୍ରୀଡା ବିଶ୍ବବିଦ୍ୟାଳୟ ପର୍ଯ୍ୟନ୍ତ କ୍ରୀଡା ଭିତ୍ତିଭୂମିର ବିକାଶ ନିହାତି ଆବଶ୍ୟକ । କ୍ରୀଡା ପ୍ରଶିକ୍ଷକଙ୍କ ସଂଖ୍ୟା ବୃଦ୍ଧି, ଦେଶର ବିଭିନ୍ନ କେନ୍ଦ୍ରରେ ଶୀର୍ଷ ସୁବିଧା ପ୍ରଦାନ କରିବା, ବିଶ୍ବସ୍ତରୀୟ ପ୍ରଶିକ୍ଷକଙ୍କ ନିଯୁକ୍ତି, କୁଶଳୀ ପ୍ରତିଭାକୁ ଚିହ୍ନିବା ଓ ସେମାନଙ୍କୁ ସମସ୍ତ ଦିଗରେ ସମର୍ଥନ ପ୍ରଦାନ କରିବା ଦରକାର । ଏହାବାଦ୍ ଅଲିମ୍ପିକ ଶେଷ ହେବା ପରେ ଏଥିରେ ବ୍ୟବହୃତ ଷ୍ଟାଡିୟମର ତତ୍କାଳ ଉପଯୋଗ ଉପରେ ଦେଶକୁ ଧ୍ୟାନ ଦେବା ଆବଶ୍ୟକ, ଯାହାଦ୍ବାରା ଦେଶ ରାଜସ୍ବ ହାନିରୁ ବର୍ତ୍ତିପାରିବ ।
