ହାଇଦ୍ରାବାଦ: ଫାଷ୍ଟେଷ୍ଟ ତଥା ଇନଷ୍ଟାଣ୍ଟ ମେସେଜିଂ ଆପ ହ୍ବାଟ୍ସଆପ । ବର୍ତ୍ତମାନ ସମୟରେ ପ୍ରାୟ ସଭିଙ୍କ ପାଇଁ ଏହା ଏକ ପ୍ରାଇମେରି ମେସେଜିଂ ଆପରେ ପରିଣତ ହୋଇଛି କହିଲେ କିଛି ଭୁଲ ହେବ ନାହିଁ । ତେବେ ନୂଆବର୍ଷ ସହ କିଛି ହ୍ବାଟ୍ସଆପ ୟୁଜର୍ସଙ୍କ ପାଇଁ ଆସିଛି ଖରାପ ଖବର । ଆସନ୍ତା ଫେବୃଆରୀ 1 ତାରିଖରେ କିଛି ୟୁଜର୍ସଙ୍କ ପାଇଁ ବନ୍ଦ ହୋଇପାରେ ହ୍ବାଟ୍ସଆପ ସର୍ଭିସ । ତେବେ କେଉଁମାନେ ଏହି ତାଲିକାର ଅନ୍ତର୍ଭୁକ୍ତ ପଢନ୍ତୁ ...
କମ୍ପାନୀ 2019 ବର୍ଷ ଶେଷ ସୁଦ୍ଧା ହିଁ ଏନେଇ ନିଷ୍ପତ୍ତି ନେଇଥିଲା କି 2020 ଆରମ୍ଭରେ କିଛି ସ୍ମାର୍ଟଫୋନ ବ୍ୟବହାରକାରୀଙ୍କ ପାଇଁ ବନ୍ଦ ହେବ ହ୍ବାଟ୍ସଆପର ସର୍ଭିସ । କିଛି ନିର୍ଦ୍ଧାରିତ ଏଣ୍ଡ୍ରଏଡ ଭର୍ସନ ଓ ଆଇଓଏସ ଭର୍ସନ ପାଇଁ ଏହା କାର୍ଯ୍ୟକାରୀ ହେବା ନେଇ ସୂଚନା ରହିଛି । ଏହାଦ୍ବାରା ୟୁଜର୍ସ ନା ନୂଆ ଆକାଉଣ୍ଟ ଖୋଲିପାରିବେ ନା ନିଜ ପୁରୁଣା ଆକଉଣ୍ଟକୁ ଭେରିଫାଏ କରିପାରିବେ ।
ଏହି ଘୋଷଣା ଅନୁଯାୟୀ ଏଣ୍ଡ୍ରଏଡ ଭର୍ସନ 2.3.7 ଓ ଏହାର ପୁରୁଣା ଭର୍ସନରେ ପ୍ରଥମେ ହ୍ବାଟ୍ସଆପ ବନ୍ଦ ହେବ । ଏଥିସହ ଆଇଓଏସ 8 ଓ ପୁରୁଣା ଭର୍ସନରେ ଚାଲୁଥିବା ଆଇଫୋନ ଗୁଡିକରେ ମଧ୍ୟ ହ୍ବାଟ୍ସଆପ ସର୍ଭିସ ବନ୍ଦ ହେବ । ସେହିପରି ୱିଣ୍ଡୋଜ ୟୁଜର୍ସଙ୍କ ପାଇଁ ମଧ୍ୟ ବର୍ଷ ନୈରାଶ୍ୟଜନକ ରହିବ । କାରଣ ସେମାନଙ୍କ ଫୋନରେ ମଧ୍ୟ ହ୍ବାଟ୍ସଆପ ସର୍ଭିସ ବନ୍ଦ ହୋଇସାରିଛି । 31 ଡିସେମ୍ବର, 2019ରୁ ଏହି ସର୍ଭିସକୁ ବନ୍ଦ କରିଦିଆଯାଇଥିବା କମ୍ପାନୀ ଘୋଷଣା କରିଥିଲା ।
ତେବେ ଏଥିରୁ ବଞ୍ଚିବାକୁ ହେଲେ ୟୁଜର୍ସଙ୍କ ପାଖରେ ବର୍ତ୍ତମାନ ରହିଛି ମାତ୍ର ଗୋଟିଏ ଅପ୍ସନ । ଏବେ ବି ସ୍ମାର୍ଟଫୋନ ୟୁଜର୍ସ ଲାଟେଷ୍ଟ ଓଏସକୁ ଡାଉନଲୋଡ କରିପାରିବେ । ଏହାଦ୍ବାରା 1 ଫେବୃଆରୀ ପରେ ବି ୟୁଜର୍ସ ନିଜ ପୁରୁଣା ଫୋନରେ ହ୍ବାଟ୍ସଆପକୁ ବ୍ୟବହାର କରିପାରିବେ ।
ନିଜ ସ୍ମାର୍ଟଫୋନର ଭର୍ସନ ଜାଣିବାକୁ ଚାହୁଁଥିଲେ ଫଲୋ କରନ୍ତୁ କିଛି ସହଜ ଷ୍ଟେପ୍ସ :
ଯଦି ଆପଣ ଏଣ୍ଡ୍ରଏଡ ସ୍ମାର୍ଟଫୋନ ବ୍ୟବହାର କରୁଥାଆନ୍ତି ତେବେ ସେଟିଂରେ ଥିବା ‘ABOUT PHONE’ ଅପ୍ସନକୁ ଯାଆନ୍ତୁ । ସେଠାରେ ଥିବା ସଫ୍ଟଓୟାର ଇନଫୋ (Software Info) ରେ କ୍ଲିକ କଲେ ନିଜ ଫୋନ ସମ୍ବନ୍ଧୀୟ ସମସ୍ତ ତଥ୍ୟ ଆପଣ ପାଇପାରିବେ । ସେହିପରି ଆଇଫୋନ ବ୍ୟବହାରକାରୀ ସେଟିଂକୁ ଯାଇ ସଫ୍ଟଓୟାର ଅପଡେଟ ଅପ୍ସନରେ କ୍ଲିକ କରନ୍ତୁ । ଏହାଦ୍ବାରା ଆପଣ ନିଜ ଫୋନର ଭର୍ସନ ଜାଣିପାରିବେ ।
