ୱାଶିଂଟନ: ବିଜ୍ଞାନ ଓ ପ୍ରଯୁକ୍ତିବିଦ୍ୟାର ଅଗ୍ରଗତି ହେବା ସହିତ ଗୋଟିଏ ପରେ ଗୋଟିଏ ନୂଆ କଥା ସାମନାକୁ ଆସିଛି । ଯାହାକି ସାଧାରଣ ଲୋକଙ୍କୁ ଚକିତ କରୁଛି । ଏହି ଖବରଟି ମଧ୍ୟ ଠିକ ସେହିପରି । କୋଭିଡ଼ ମହାମାରୀକୁ ଏଣିକି ଚିହ୍ନିବ ସ୍ମାର୍ଟଫୋନର ଏକ ଆପ୍ଲିକେସନ । ଆମେରିକା ବୈଜ୍ଞାନିକ ଏହି ଆପ୍କୁ ତିଆରି କରିଥିବା ବେଳେ ଏହା SARS-CoV-2 ଭାଇରସକୁ ଚିହ୍ନିପାରିବ ବୋଲି ଜଣାପଡ଼ିଛି ।
କାଲିଫର୍ଣ୍ଣିଆ ୟୁନଭର୍ସିଟିର ଗବେଷକମାନେ ଏହି ଆପ୍କୁ ବିକଶିତ କରିଛନ୍ତି । ଯାହାକି ଘରେ ବସି ଲୋକମାନେ କୋଭିଡ଼ ହୋଇଛି କି ନାହିଁ ଜାଣିପାରିବେ । ଏହା SARS-CoV-2 ଭାରିଏଣ୍ଟ ଚିହ୍ନିପାରିବ । ରାସାୟନିକ ପ୍ରତିକ୍ରିୟା ମାପିବା ପାଇଁ ଆପ୍ ସ୍ମାର୍ଟଫୋନର କ୍ୟାମେରା ବ୍ୟବହାର କରେ ଏବଂ 25 ମିନିଟରେ ଏକ ଫଳାଫଳ ଦେଇଥାଏ । ସର୍ବଭାରତୀୟ ସ୍ତରରେ ଗୋଟିଏ ପରେ ଗୋଟିଏ ମହାମାରୀର ଭାରିଏଣ୍ଟ ଚିହ୍ନଟ ହେଉଥିବାରୁ ଏହାର ପରୀକ୍ଷା ଏବଂ ଚିହ୍ନଟ ଜରୁରୀ ହୋଇପଡ଼ିଛି । ଏଥିଲାଗି ଏଭଲି ଆପକୁ ବିକଶତି କରାଯାଇଛି ବୋଲି ୟୁସି ସାଣ୍ଟା ବାର୍ବାରାର ମୁଖ୍ୟ ଲେଖକ ମାଇକେଲ ମହାନ୍ କହିଛନ୍ତି ।
