ସାନ ଫ୍ରାନ୍ସିସ୍କୋ: ଖୁବଶୀଘ୍ର ଆପଲ ଏୟାରଡ୍ରପ ପରି ଆଣ୍ଡ୍ରଏଡ ୟୁଜର୍ସଙ୍କ ପାଇଁ ଫାଇଲ ସେୟାରିଂ ଆପ୍ ଲଞ୍ଚ କରିବାକୁ ଯାଉଛି ଗୁଗଲ । ଅଗଷ୍ଟରେ ଏହି ଲଞ୍ଚ ହେବାକୁ ଥିବା ନେଇ ରବିବାର ସ୍ପଷ୍ଟ କରିଛି କମ୍ପାନୀ । ଏହି ଆପ୍ର ନାମ ‘ନିଅରବାଏ ସେୟାରିଂ’ ରଖାଯାଇଛି । ଯାହା ବର୍ତ୍ତମାନ ବିଟା ଭର୍ସନରେ ଆଣ୍ଡ୍ରଏଡ ୟୁଜର୍ସଙ୍କ ପାଇଁ ଲଞ୍ଚ କରାଯିବ । ତେବେ କେବଳ ଆଣ୍ଡ୍ରଏଡ 6 କିମ୍ବା ନୂଆ ଭର୍ସନରେ ହିଁ ଏହି ଆପ୍ କାର୍ଯ୍ୟକାରୀ ହେବା ନେଇ ଜଣା ପଡିଛି ।
ଏନେଇ ପ୍ରକାଶିତ ରିପୋର୍ଟ ମୁତାବକ ଏହି ଆପ୍ର ବ୍ୟବାହର ପାଇଁ ସର୍ବନିମ୍ନ ଓଏସ ଭର୍ସନ ଦରକାର । ତେବେ ଏହି ଆପ୍କୁ ବ୍ୟବହାର କରିବାକୁ ହେଲେ ୟୁଜର୍ସଙ୍କୁ ପ୍ଲେ ଷ୍ଟୋର ଅପଡେଟ ପ୍ୟାକେଜ ହିସାବରେ ଏହାକୁ ବ୍ୟବହାର କରିବାକୁ ହେବ । ଏହି ଆପ୍ ଦ୍ବାରା ଅତି ସହଜରେ ଓ ଅଳ୍ପ ସମୟ ମଧ୍ୟରେ ଫାଇଲ ସେୟାର କରାଯାଇପାରିବ । ପୂର୍ବରୁ ଆଇଓଏସ ୟୁଜର୍ସଙ୍କ ପାଇଁ ଏୟାରଡ୍ରପ ନାମକ ଫାଇଲ ସେୟାରିଂ ଆପ୍ ଗୁଗଲ ଲଞ୍ଚ କରିସାରିଛି । ଯାହାର ଆଣ୍ଡ୍ରଏଡ ଭର୍ସନ ହେଉଛି ନିଅରବାଏ ସେୟାରିଂ ଆପ୍ ।
ଏହା ପରିଚାଳିତ ହେବା ପାଇଁ ଉଭୟ ବ୍ଲୁଟୁଥ ଓ ୱାଇ-ଫାଇର ଆବଶ୍ୟକତା ରହିଛି । ଏହାଦ୍ବାରା ୟୁଜର୍ସ ନିଜ ଇଚ୍ଛା ମୁତାବକ ଫଟୋ, ଭିଡିଓ, ଲିଙ୍କ କିମ୍ବା ଅନ୍ୟ ଫାଇଲ ସହଜରେ ଶେୟାର କରିପାରିବେ । ତେବେ ସେୟାରିଂ ଆରମ୍ଭରେ ଅନ୍ୟ ଡିଭାଇସରେ ଏକ ନୋଟିଫିକେଶନ ଆସିବ । ଏଥିରେ କ୍ଲିକ କରିବା ଦ୍ବାରା ଡିଭାଇସ ଭିଜିବୁଲ ହେବା ସହ ଫାଇଲ ସେୟାରିଂ ଆରମ୍ଭ ହେବ ।
@IANS
