ଓ୍ବାଶିଂଟନ: ଷ୍ଟାନଫୋର୍ଡ ୟୁନିଭରସିଟି ସହ ମିଶି ଗୁଗୁଲ ଏକ ବିଶ୍ୱସ୍ତରୀୟ COVID-19 ମ୍ୟାପ ଆରମ୍ଭ କରିଛି । ଏହା ଦ୍ବାରା ସାମ୍ବାଦିକମାନେ ତାଙ୍କ ସାଇଟରେ ପାଠକମାନଙ୍କ ପାଇଁ ମହାମାରୀର ଭିଜୁଆଲାଇଜେସନକୁ ଉପଲବ୍ଧ କରାଇପାରିବେ । ମ୍ୟାପରେ ଜନସଂଖ୍ୟା ବିଷୟରେ COVID-19 ସଂକ୍ରମଣ ସଂଖ୍ୟା ଦେଖାଇବ।
ଅନ୍ୟ କୋରୋନା ଭାଇରସ କେସ ମ୍ୟାପ ଠାରୁ ଭିନ୍ନ ‘ଗୁଗୁଲର COVID-19 ଗ୍ଲୋବାଲ କେସ ମ୍ୟାପର’ ପରି ସ୍ଥାନୀୟ ସାମ୍ବାଦିକମାନଙ୍କୁ ସେମାନଙ୍କ ଅଞ୍ଚଳର କୋରୋନା ଭାଇରସକୁ ଚିହ୍ନଟ କରାଇ ପାରିବେ ନିଜ ମ୍ୟାପରେ ।
ଚଳିତବର୍ଷ ଆରମ୍ଭରେ, ଟିମ ମ୍ୟାପର ଏକ ଆମେରିକୀୟ ସଂସ୍କରଣ ଲଞ୍ଚ କରିଥିଲା । ଯେଉଁଥିରେ ନୂତନ ସଂସ୍କରଣ ବିସ୍ତାରିତ ହୋଇଛି ଯାହା ଆମେରିକା ବ୍ୟତୀତ 176 ଦେଶ ସହିତ 18ଟି ରାଜ୍ୟ ଏବଂ ଆଞ୍ଚଳିକ କ୍ଷେତ୍ରକୁ ଆଡ କରିଛି । ଟିମ ଗୁଗୁଲ ଅନୁବାଦ ବ୍ୟବହାର କରିଛି ତେଣୁ ଏହି ଅଭିଜ୍ଞତାକୁ 80 ରୁ ଅଧିକ ଭାଷାରେ ଦେଖାଯାଇପାରିବ ।
ଏହି ମ୍ୟାପରେ ବ୍ୟବହାର କରାଯାଇଥିବା ଡାଟା, ନ୍ୟୁୟର୍କ ଟାଇମସର ଓପନ COVID-19 ଡାଟା ସେଟ ଏବଂ ଜନ ହପକିନ୍ସ ବିଶ୍ୱବିଦ୍ୟାଳୟରେ ଥିବା ସେଣ୍ଟର ଫର ସିଷ୍ଟମ ସାଇନ୍ସ ଆଣ୍ଡ ଇଞ୍ଜିନିୟରିଂ (CSSE)ର କୋଭିଡ-19 ଡାଟା ରେପୋଜିଟୋରୀରୁ ଅଣାଯାଇଛି ।
ଏପରିକି ଷ୍ଟାନଫୋର୍ଡ ୟୁନିଭରସିଟିର ବିଗ ଲୋକାଲ ନ୍ୟୁଜ ଏବଂ ପିଚ ଇଣ୍ଟରାକ୍ଟିଭ ଗୁଗୁଲ ନ୍ୟୁଜ ଇନିସିଏଟିଭ (GNI)ର ସହଯୋଗରେ ନୂତନ ବିଶ୍ୱ ମ୍ୟାପ ଆରମ୍ଭ କରିଛି।
ଜନ ହପକିନ୍ସ ୟୁନିଭରସିଟି ଅନୁଯାୟୀ, ବିଶ୍ବରେ କୋରୋନା ଭାଇରସର ମୋଟ ସଂକ୍ରମଣ ସଂଖ୍ୟା 20 ନିୟୁତ ଅତିକ୍ରମ କରିଥିବାବେଳେ, ମୃତ୍ୟୁ ସଂଖ୍ୟା 7 ଲକ୍ଷ 34 ହଜାର ରୁ ଅଧିକ ହୋଇଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
