ଲକ୍ଷ୍ନୌ: ଆହ୍ଲାବାଦ ବ୍ୟାଙ୍କରୁ ଲୁଟିନେଲେ 5 କୋଟି 97 ଲକ୍ଷ ଟଙ୍କା । ସୋନଭଦ୍ର ଜିଲ୍ଲା ଭାଗୋଭାସ (ଓୌହୁରୀ) ଆହ୍ଲାବାଦ ବ୍ୟାଙ୍କରେ ଘଟିଛି ଡକାୟତି ଘଟଣା । କିଛି ଲୁଟେରା ବ୍ୟାଙ୍କରେ ପଶି ଡକାୟତି କରିଥିବା କହିଛି ପୋଲିସ ।
ସୋନଭଦ୍ର ଜିଲ୍ଲା ଭାଗୋଭାସ ସ୍ଥିତ ଆହ୍ଲାବାଦ ବ୍ୟାଙ୍କର ପଛପଟ କାନ୍ଥ ଭାଙ୍ଗି ଡକାୟତ ବ୍ୟାଙ୍କରେ ପଶିଥିଲେ । ସେଠାରୁ 5 କୋଟି 97 ଲକ୍ଷ ଟଙ୍କା ନେଇଯାଇଥିବା ନେଇ ସୂଚନା ଦେଇଛନ୍ତି ସୋନଭଦ୍ର ଏସପି ଆଶିଷ ଶ୍ରୀବାସ୍ତବ ।
ବ୍ୟାଙ୍କ ମ୍ୟାନେଜରଙ୍କ ଠାରୁ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି । ବ୍ୟାଙ୍କ ଓ ଏହାର ଆଖପାଖର ସିସିଟିଭି ଫୁଟେଜ୍ କୁ ନେଇ ଯାଞ୍ଚ କରୁଥିବା କହିଛି ପୋଲିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
