G20 ଘୋଷଣାପତ୍ରକୁ ୟୁକ୍ରେନର ସମାଲୋଚନା; କହିଲା ଗର୍ବ କରିବା ଭଳି କିଛି ନାହିଁ

ଜି-୨୦ର ମିଳିତ ଘୋଷଣାପତ୍ରକୁ ସମାଲୋଚନା କଲା ୟୁକ୍ରେନ । କହିଲେ ଏଥିରେ ଗର୍ବ କରିବା ଭଳି କିଛି ନାହିଁ । ଅଧିକ ପଢନ୍ତୁ

ନୂଆଦିଲ୍ଲୀ: ଜି-୨୦ ସମ୍ମିଳନୀରେ ନୂଆଦିଲ୍ଲୀ ଘୋଷଣାପତ୍ରକୁ ଗୃହୀତ କରାଇ ଭାରତ ବଡ ଉପଲବ୍ଧ ହାସଲ କରିଛି । ସମ୍ମିଳିତ ବିକାଶ, ଆତଙ୍କବାଦ, ଜଳବାୟୁ ପରିବର୍ତ୍ତନ, ୟୁକ୍ରେନ ଓ ଋଷ ମଧ୍ୟରେ ଯୁଦ୍ଧ ଇତ୍ୟାଦି ପ୍ରସଙ୍ଗ ଘୋଷଣାପତ୍ରରେ ଉଲ୍ଲେଖ ରହିଥିବା ବେଳେ ଏଥିରେ ସବୁ ରାଷ୍ଟ୍ର ସହମତି ପ୍ରକାଶ କରିଛନ୍ତି । ହେଲେ ଜି-୨୦ର ଏହି ମିଳିତ ଘୋଷଣାପତ୍ରକୁ ସମାଲୋଚନା କରିଛି ୟୁକ୍ରେନ । କାରଣ ଘୋଷଣାପତ୍ରରେ ୟୁକ୍ରେନ ଯୁଦ୍ଧ ପ୍ରସଙ୍ଗ ରହିଥିଲେ ହେଁ ଆକ୍ରମଣ ପାଇଁ ଏଥିରେ ଋଷକୁ ସିଧାସଳଖ ଦାୟୀ କରାଯାଇ ନାହିଁ କି ଋଷର ନାମ ଉଲ୍ଲେଖ କରାଯାଇନି । ତେଣୁ ୟୁକ୍ରେନ ଯୁଦ୍ଧ ସମ୍ବନ୍ଧୀୟ ଜି-୨୦ର ଘୋଷଣାପତ୍ରରେ ଗର୍ବ କରିବା ଭଳି କିଛି ନାହିଁ ବୋଲି ୟୁକ୍ରେନ ପକ୍ଷରୁ କୁହାଯାଇଛି ।

• G20 adopted a final declaration. We are grateful to the partners who tried to include strong wording in the text. However, in terms of Russia's aggression against Ukraine, G20 has nothing to be proud of. This is how the main elements of the text could look to be closer to reality pic.twitter.com/qZqYluVKKS

  — Oleg Nikolenko (@OlegNikolenko_) September 9, 2023 " class="align-text-top noRightClick twitterSection" data="

  G20 adopted a final declaration. We are grateful to the partners who tried to include strong wording in the text. However, in terms of Russia's aggression against Ukraine, G20 has nothing to be proud of. This is how the main elements of the text could look to be closer to reality pic.twitter.com/qZqYluVKKS

  — Oleg Nikolenko (@OlegNikolenko_) September 9, 2023

  ">

  G20 adopted a final declaration. We are grateful to the partners who tried to include strong wording in the text. However, in terms of Russia's aggression against Ukraine, G20 has nothing to be proud of. This is how the main elements of the text could look to be closer to reality pic.twitter.com/qZqYluVKKS

  — Oleg Nikolenko (@OlegNikolenko_) September 9, 2023

ୟୁକ୍ରେନ ବୈଦେଶିକ ମନ୍ତ୍ରଣାଳୟ ମୁଖପାତ୍ର ଓଲେଗ ନିକୋଲେଙ୍କୋ ଜି-୨୦ ଘୋଷଣାପତ୍ରକୁ ସମାଲୋଚନା କରି କହିଛନ୍ତି, ୟୁକ୍ରେନରେ ଆକ୍ରମଣ ପାଇଁ ଏଥିରେ ଋଷର ନାମ ଉଲ୍ଲେଖ କରାଯାଇନି । ଏଥିସହ ସେ ଘୋଷଣାପତ୍ରର ଗୋଟିଏ ଭାଗର ସ୍କ୍ରିନସଟ୍ 'ଏକ୍ସ'ରେ ପୋଷ୍ଟ କରିଛନ୍ତି, ଯେଉଁଥିରେ କିଛି ଶବ୍ଦକୁ ଲାଲ ରଙ୍ଗରେ ହଟାଇ ଦିଆଯାଇ ଏହାକୁ ସଂଶୋଧନ କରାଯାଇଥିବାର ଦେଖିବାକୁ ମିଳିଛି ।

ତେବେ ୟୁକ୍ରେନ ଉପରେ ଋଷର ଆକ୍ରମଣକୁ ନୂଆଦିଲ୍ଲୀ ଘୋଷଣାପତ୍ରରେ ସିଧାସଳଖ ଉଲ୍ଲେଖ କରାଯାଇ ନଥିଲେ ମଧ୍ୟ ବିଶ୍ବରେ ପରମାଣୁ ଅସ୍ତ୍ରର ବ୍ୟବହାର କିମ୍ବା ପରମାଣୁ ଅସ୍ତ୍ରର ଧମକ ଦେବା ଆଦୌ ଗ୍ରହଣୀୟ ନୁହେଁ । କୌଣସି ଦେଶର ଅଞ୍ଚଳକୁ ଅଧିଗ୍ରହଣ କରିବା ପାଇଁ ବଳ ପ୍ରୟୋଗ କରିବାରୁ ସବୁ ଦେଶ ଦୂରେଇ ରହିବା ଉଚିତ୍ ବୋଲି ଘୋଷଣାପତ୍ରରେ ଉଲ୍ଲେଖ କରାଯାଇଛି । କିନ୍ତୁ କୌଣସି ସ୍ଥାନରେ ଋଷିଆ ନାମ ଲେଖା ନଯିବାକୁ ନେଇ ୟୁକ୍ରେନ ସମାଲୋଚନା କରିଛି ।

ଏଠାରେ ଉଲ୍ଲେଖଯୋଗ୍ୟ, ଶନିବାର ଠାରୁ ଦିଲ୍ଲୀରେ ଦୁଇ ଦିନିଆ ଜି-୨୦ ସମ୍ମିଳନୀ ଚାଲିଛି । ଗତକାଲି ସମ୍ମିଳନୀରେ ନୂଆଦିଲ୍ଲୀ ଘୋଷଣାପତ୍ରକୁ ମଞ୍ଜୁରୀ ମିଳିବା ପରେ ଚାରିଆଡୁ ଶୁଭେଚ୍ଛାର ସୁଅ ଛୁଟିଛି । ଘୋଷଣାପତ୍ର ଗୃହୀତ ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିଲେ ଯେ, ମୁଁ ଗୋଟିଏ ଭଲ ଖବର ପାଇଛି । ନୂଆଦିଲ୍ଲୀ ଜି-୨୦ ଲିଡର୍ସ ସମ୍ମିଳନୀ ଘୋଷଣାପତ୍ରରେ ସବୁ ରାଷ୍ଟ୍ର ସହମତ ହୋଇଛନ୍ତି । ଏହି ଘୋଷଣାପତ୍ର ଗ୍ରହଣ କରିବାକୁ ମୋର ପ୍ରସ୍ତାବ ରହିଥିବାବେଳେ ସମସ୍ତେ ଗ୍ରହଣ କରଛନ୍ତି ।