ମସ୍କୋ: ଋଷର କୋଷ୍ଟ୍ରୋମା ସହରରେ ଭୟାବହ ଅଗ୍ନିକାଣ୍ଡ । ଏକ କାଫେରେ ଅଗ୍ନିକାଣ୍ଡ ଘଟି 15 ଜଣଙ୍କର ମୃତ୍ୟୁ ହୋଇଥିବା ସୂଚନା (15 killed in Russia cafe blaze after flare gun discharged)। କାଫେରେ କିଛି ଲୋକଙ୍କ ମଧ୍ୟରେ ବିବାଦ ଦେଖାଦେଇଥିବା ବେଳେ କେହି ଜଣେ ଫ୍ଲେର ବନ୍ଧୁକ ବ୍ୟବହାର କରିବାରୁ ଏହି ଅଗ୍ନିକାଣ୍ଡ ଘଟିଥିବା ଜଣେ ଅଧିକାରୀ ସୂଚନା ଦେଇଛନ୍ତି । ଅଗ୍ନିକାଣ୍ଡ ଘଟିବା ପରେ କାଫେରୁ ୨୫୦ ଜଣଙ୍କୁ ଉଦ୍ଧାର କରାଯାଇଛି । ବର୍ତ୍ତମାନ ମଧ୍ୟ ଉଦ୍ଧାର କାର୍ଯ୍ୟ ଜାରି ରହିଛି ।
କୋଷ୍ଟ୍ରୋମା ଉତ୍ତର ମସ୍କୋଠାରୁ ପ୍ରାୟ 340 କିଲୋମିଟର ଦୂରରେ ଅବସ୍ଥିତ । ହଠାତ ଆଜି (ଶନିବାର) ସକାଳ ସମୟରେ କାଫେରେ ନିଆଁ ଲାଗିବା ପରେ ଛାତ ଭୁଶୁଡି ପଡିଥିଲା । ଏନେଇ ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ତେବେ କାଫେରେ କିଏ ଫ୍ଲେର ବନ୍ଧୁକ ବ୍ୟବହାର କରିଥିଲା ସେହି ବ୍ୟକ୍ତିଙ୍କୁ ଏବେ ଖୋଜୁଛି ପୋଲିସ । ଅଧିକ ସୂଚନାକୁ ଅପେକ୍ଷା କରାଯାଇଛି ।
