ୱାସିଂଟନ: ଆମେରିକାରେ ସପିଂ ମଲରେ ଦୁର୍ବୃତ୍ତଙ୍କ ଆଖିବୁଜା ଗୁଳିମାଡ । ଶନିବାର ସପିଂ ମଲରେ ପଶି କିଛି ଦୁର୍ବୃତ୍ତ ସାଧାରଣ ଲୋକଙ୍କ ଉପରକୁ ଗୁଳିମାଡ କରିଛନ୍ତି । ଏଥିରେ ୧୨ ଜଣ ଲୋକ ଆହତ ହୋଇଛନ୍ତି । ଏଭଳି ଛାତିଥରା ଘଟଣା ଘଟିଛି ଆମେରିକାର ଦକ୍ଷିଣ କାରୋଲିନା ସହରର ଏକ ମଲରେ। ଗତକାଲି ସନ୍ଧ୍ୟାରେ ଏହି ଗୁଳିମାଡ ହୋଇଥିବା ସୂଚନା । ଏହି ଘଟଣାରେ ୩ ସନ୍ଦିଗ୍ଧଙ୍କୁ ଅଟକ ରଖି ପଚରାଉଚରା କରୁଛି ପୋଲିସ ।
ଏନେଇ ସ୍ଥାନୀୟ ପୋଲିସ ଗଣମାଧ୍ୟକୁ କହିଛନ୍ତି ଯେ, ଏହି ଘଟଣାରେ କାହାର ମୃତ୍ୟୁ ହୋଇନାହିଁ । ଗୁଳିମାଡରେ ୧୦ ଜଣ ଆହତ ହୋଇଥିବା ବେଳେ ପରେ ଆଉ ୨ ଜଣ ଆହତ ହୋଇଛନ୍ତି । ସମସ୍ତ ଆହତଙ୍କ ବୟସ ୧୫ରୁ ୭୩ ବର୍ଷ ମଧ୍ୟରେ ହୋଇଥିବା ବେଳେ ସେମାନଙ୍କ ମଧ୍ୟରୁ ୨ ଜଣଙ୍କ ଅବସ୍ଥା ଗୁରୁତର ରହିଥିବା ନେଇ ସୂଚନା ଦିଆଯାଇଛି ।
ସୂଚନାଅନୁସାରେ, ଗୁଳିମାଡ କରିଥିବା ୩ ଜଣ ଦୁର୍ବୃତ୍ତ ପରସ୍ପର ମଧ୍ୟରେ କଥାବାର୍ତ୍ତା ବେଳେ ବାଦବିବାଦ ଉପୁଜିଥିଲା । ଏହାପରେ ଦୁବୃର୍ତ୍ତମାନେ ଗୁଳି ଫୁଟାଇଥିଲେ । ଘଟଣାରେ ୩ ସନ୍ଦିଗ୍ଧଙ୍କୁ ଅଟକ ରଖି ପଚରାଉଚରା ଜାରି ରଖିଛି ପୋଲିସ ।
ANI
