ହାଇଦ୍ରାବାଦ: ମଣିଷର ବଡ଼ ବଡ଼ ସ୍ବପ୍ନ ରହିଥାଏ । ସେହି ସ୍ବପ୍ନକୁ ପୂରଣ କରିବା ଲାଗି ସମସ୍ତ ବାଧାବିଘ୍ନକୁ ସାମ୍ନା ମଧ୍ୟ କରେ । ମଣିଷ କେତେବେଳେ ଡାକ୍ତର, ଇଞ୍ଜିନିୟର, ଆଇଏଏସ ଅଫିସର, ବୈଜ୍ଞାନିକ ଭଳି ସ୍ବପ୍ନ ଦେଖେ । ଏପିରିକି ମଣିଷ ପୁଅ ଥିଲେ ଝିଅ ହେବା ଲାଗି ସ୍ବପ୍ନ ଦେଖେ । ହେଲେ ଏଠାରେ ଜାପାନ ବ୍ୟକ୍ତି ଜଣକ କୁକୁର ହେବାକୁ ଦେଖିଛନ୍ତି ସ୍ବପ୍ନ । ଆଉ ସେଥିରେ ସଫଳ ମଧ୍ୟ ହୋଇଛନ୍ତି । ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରି ନିଜ ପିଲା ଦିନର ସ୍ବପ୍ନକୁ ପୂରଣ କରିଛନ୍ତି ଏହି ଜାପାନୀ ବ୍ୟକ୍ତି ।
-
着ぐるみをオーダーしてました！ おかげさまで動物になってみたいという夢を叶えることができました！ https://t.co/jUFxSWW6cl pic.twitter.com/zJIX8VcWfm
— トコ（toco） (@toco_eevee) April 11, 2022 " class="align-text-top noRightClick twitterSection" data="
">着ぐるみをオーダーしてました！ おかげさまで動物になってみたいという夢を叶えることができました！ https://t.co/jUFxSWW6cl pic.twitter.com/zJIX8VcWfm
— トコ（toco） (@toco_eevee) April 11, 2022着ぐるみをオーダーしてました！ おかげさまで動物になってみたいという夢を叶えることができました！ https://t.co/jUFxSWW6cl pic.twitter.com/zJIX8VcWfm
— トコ（toco） (@toco_eevee) April 11, 2022
ଲାଗିଲା ୪୦ ଦିନ ସମୟ:- ମଣିଷରୁ କୁକୁର ପାଲଟିଥିବା ଜାପାନୀ ବ୍ୟକ୍ତିଙ୍କ ନାମ ହେଉଛି ଟୋକୋ । ଅନ୍ତର୍ଜାତୀୟ ମିଡିଆ ରିପୋର୍ଟ ଅନୁସାରେ ଟୋକୋଙ୍କୁ କୁକୁର ରୂପ ଦେବାରେ 'ଜେପପେଟ' ନାମକ କମ୍ପାନୀର ବଡ଼ ଭୂମିକା ରହିଛି । ଏହି କମ୍ପାନୀ ଇଣ୍ଟରନେଟରେ ବିଜ୍ଞାପନ ପ୍ରସ୍ତୁତ କରିଥାଏ । ଏହି କମ୍ପାନୀ ମଧ୍ୟ ଟୋକୋଙ୍କ ଲାଗି କୁକୁର ପରି ଦେଖାଯାଉଥିବା ଏକ ଡ୍ରେସ ଡିଜାଇନ କରିଛି । ଏହି ଡ୍ରେସକୁ ତିଆରି କରିବା ଲାଗି କମ୍ପାନୀକୁ ୪୦ଦିନ ସମୟ ଲାଗିଛି । ଏହି ଜାପାନୀ କମ୍ପାନୀଟି କୋଲ୍ଲି ପ୍ରଜାତିର ଏକ କୁକୁର ଭଳି ଦେଖାଯାଉଥିବା ଡ୍ରେସ ଡିଜାଇନ କରିଛି ।
ଏ ନେଇ କମ୍ପାନୀ ପକ୍ଷରୁ ଏକି ବିବୃତ୍ତି ଜାରି କରାଯାଇଛି । ଏଥିରେ କୁହାଯାଇଛି ଯେ ଟୋକୋ କୋଲ୍ଲି ପ୍ରଜାତିର କୁକୁରଙ୍କ ପରି ଦେଖାଯିବା ଲାଗି ଆଗ୍ରହ ପ୍ରକାଶ କରିଥିଲେ । ଏଣୁ ସେହି ଅନୁସାରେ ଡ୍ରେସର ରୂପ ସେହିପରି ରଖାଯାଇଛି । ଆଶ୍ଚର୍ଯ୍ୟର କଥା ହେଉଛି ଏହି ଡ୍ରେସଟି ଏତେ ଅବିକଳ ଯେ ଏହା ସତ କୁକୁର କି ନୁହେଁ ବିଶ୍ବାସ କରିବା କଷ୍ଟକର । ଏହି ଡ୍ରେସରେ କୁକୁରଙ୍କ ପରି ୪ଟି ଗୋଡ଼ ରହିଛି ।
ପିଲାଦିନର ସ୍ବପ୍ନ ପୂରଣ: - ଟୋକୋ ଏହି ଡ୍ରେସ ପିନ୍ଧିବା ପରେ ତାଙ୍କୁ ଚିହ୍ନିବା ମୁସ୍କିଲ ହୋଇପଡୁଛି । ଏ ନେଇ ଖୁସିବ୍ୟକ୍ତ କରି ଟୋକୋ କହିଛନ୍ତି ଯେ ତାଙ୍କର ପିଲାଦିନର ସ୍ବପ୍ନ ପୂରଣ ହୋଇଛି । ସେ କହିଛନ୍ତି ଯେ କୁକୁର ହେଉଛି ବିଶ୍ବସ୍ତ ପ୍ରାଣୀ । ଏଣୁ କୁକୁରଟିଏ ହେବା ଲାଗି ତାଙ୍କର ଇଚ୍ଛା ଥିଲା । ଏ ନେଇ ନିଜ ୟୁଟ୍ୟୁବ ଚ୍ୟାନେଲରେ ଟୋକୋ ଏକ ଭିଡିଓ ଅପଲୋଡ କରିଛନ୍ତି । ଯାହାର ଶୀର୍ଷକ ରହିଛି ' I Want to become Animal' । ଏହି ଚ୍ୟାନେଲରେ ପ୍ରାୟ ୩୧ ହଜାରରୁ ଊର୍ଦ୍ଧ୍ବ ସବସ୍କ୍ରାଇବର୍ସ ରହିଥିବା ବେଳେ ଭିଡିଓକୁ ୧ ମିଲିୟନରୁ ଅଧିକ ଲୋକ ଦେଖିସାରିଲେଣି । ଏହି ଭିଡିଓଟି ଗୋଟିଏ ବର୍ଷ ତଳର ହୋଇଥିବା ବେଳେ ଏହି ବର୍ଷ ଭିଡିଓକୁ ଅପଲୋଡ କରାଯାଇଛି ।
ଭିଡିଓରେ ମଣିଷ କୁକୁର:- ଏହି ଭିଡିଓରେ ଦେଖିବାକୁ ମିଳିଛି ଯେ ଏକ କୁକୁର ଚଟାଣରେ ଓଲଟ ପାଲଟ ହେଉଛି । ତା ବେକରେ ଏକ ପଟି ମଧ୍ୟ ଲାଗିଛି । ସେ ନିଜ ଗୋଡ ହଲାଇ ଦର୍ଶକଙ୍କୁ 'ହାଏ' କହୁଛି । ତେବେ ଏହି କୁକୁର ରୂପୀ ଡ୍ରେସ ଭିତରେ ରହିଛନ୍ତି ଟୋକୋ । ଗତ ବର୍ଷ ଏକ ଗଣମାଧ୍ୟମକୁ ନିଜ ପ୍ରତିକ୍ରିୟା ଦେଇ ଟୋକୋ କହିଛନ୍ତି ଯେ ସେ ନିଜର ଅସଲି ଚେହେରା କାହାକୁ ଦେଖାଇବାକୁ ଚାହାଁନ୍ତି ନାହିଁ ।
