ବେଜି: ଚୀନରେ ଭୟଙ୍କର ଭୂକମ୍ପ । ସକାଳୁ ସକାଳୁ ଥରିଲା ମାଟି । ତାଜିକିସ୍ତାନର ମୁର୍ଗାଓବରେ ଶକ୍ତିଶାଳୀ ଭୂକମ୍ପ ଝଟକା ଅନୁଭୂତ ହୋଇଛି । ରିକ୍ଟର ସ୍କେଲରେ ତୀବ୍ରତା ୬.୮ ରେକର୍ଡ କରାଯାଇଛି । ଏନେଇ ୟୁଏସ୍ ଜିଓଲୋଜିକାଲ ସର୍ଭେ ପକ୍ଷରୁ ଏହି ସୂଚନା ଦିଆଯାଇଛି ।
-
Notable quake, preliminary info: M 6.8 - 67 km W of Murghob, Tajikistan https://t.co/41zyIIbysN
— USGS Earthquakes (@USGS_Quakes) February 23, 2023 " class="align-text-top noRightClick twitterSection" data="
">Notable quake, preliminary info: M 6.8 - 67 km W of Murghob, Tajikistan https://t.co/41zyIIbysN
— USGS Earthquakes (@USGS_Quakes) February 23, 2023Notable quake, preliminary info: M 6.8 - 67 km W of Murghob, Tajikistan https://t.co/41zyIIbysN
— USGS Earthquakes (@USGS_Quakes) February 23, 2023
ମିଳିଥିବା ସୂଚନାଅନୁସାରେ, ଭାରତୀୟ ସମୟ ସକାଳ ୫.୩୭ ମିନିଟରେ ଏହି ଭୂକମ୍ପ ଝଟକା ଅନୁଭୂତ ହୋଇଛି । ମୁର୍ଗାଓବର ପଶ୍ଚିମରୁ ୬୭ କିଲୋମିଟର ଦୂରରେ ଏହି ଝଟକା ଅନୁଭୂତ ହୋଇଥିବା ବେଳେ ଏହାର ଗଭୀରତା ୨୦.୫ ରେକର୍ଡ କରାଯାଇଛି । ତେବେ ବର୍ତ୍ତମାନ ସୁଦ୍ଧା କ୍ଷୟକ୍ଷତି ନେଇ କୌଣସି ସୂଚନା ହସ୍ତକ୍ଷେପ ହୋଇନାହିଁ । ତେବେ ଶକ୍ତିଶାଳୀ ଭୂକମ୍ପ ହେତୁ କ୍ଷୟକ୍ଷତି ହୋଇପାରେ ବୋଲି ଅନୁମାନ କରାଯାଉଛି ।
ଏହା ମଧ୍ୟ ପଢନ୍ତୁ: ପୁଣି କୋରୋନା ଭୟ ! ଆମେରିକାରେ ଗୋଟିଏ ସପ୍ତାହରେ ଏକ ଲକ୍ଷରୁ ଅଧିକ ଶିଶୁ ଆକ୍ରାନ୍ତ
ତେବେ ସୂଚନାଅନୁସାରେ, ଆଜି ସକାଳୁ ଆଫଗାନିସ୍ତାନରେ ଲଗାତାର ୩ ଥର ଭୂକମ୍ପ ହୋଇଛି । ଭାରତୀୟ ସମୟ ସକାଳ ୬.୦୭ ମିନିଟ, ୬.୨୫ ଏବଂ ୭ଟା ୫ ମିନିଟ ସମୟରେ ଥରିଛି ଆଫଗାନିସ୍ତାନ । ସକାଳ ୬ଟା ୭ ମିନିଟ ସମୟରେ ଆଫଗାନିସ୍ତାନର ଫୟାଜାବାଦରେ ୬.୭ ତୀବ୍ରତାର ଭୂକମ୍ପ ଅନୁଭୂତ ହୋଇଥିଲା । ଫୟାଜାବାଦର ପୂର୍ବଉତ୍ତରପୂର୍ବ ଦିଗରେ ଏହି ଶକ୍ତିଶାଳୀ ଭୂକମ୍ପ ଅନୁଭୂତ ହୋଇଛି । ଏହାର ଗଭୀରତା ୧୧୩ କିମି ରେକର୍ଡ କରାଯାଇଥିବା ବେଳେ ଅକ୍ଷାଂଶ ୩୮.୦୧ ଏବଂ ଦ୍ରାଘିମା ୭୩.୩୩ ରେକର୍ଡ କରାଯାଇଛି ।
ଏହା ମଧ୍ୟ ପଢନ୍ତୁ: Turkey Earthquake: ଅପରେସନ୍ ଦୋସ୍ତରେ ବଞ୍ଚାଇଲେ ଜୀବନ, ୧୦ଦିନ ପରେ ଫେରିଲା NDRF ଟିମ୍
ଏହାପରେ ୬ଟା ୨୫ ମିନିଟ ସମୟରେ ପୁଣି ଦ୍ବିତୀୟ ଥର ପାଇଁ ଥରିଥିଲା ଆଫଗାନିସ୍ତାନ । ରିକ୍ଟର ସ୍କେଲରେ ତୀବ୍ରତା ୫.୦ ରେକର୍ଡ କରାଯାଇଥିଲା । ଫୟାଜାବାଦର ପୂର୍ବଉତ୍ତରପୂର୍ବ ଦିଗରେ ହିଁ ଏହି ଭୂକମ୍ପ ଝଟକା ଅନୁଭୂତ ହୋଇଥିଲା । ଏହାର ଗଭୀରତା ୧୫୦ କିମି ରେକର୍ଡ କରାଯାଇଥିବା ବେଳେ ଅକ୍ଷାଂଶ ୩୮.୦୬ ଏବଂ ଦ୍ରାଘିମା ୭୩.୨୩ ରେକର୍ଡ କରାଯାଇଛି ।
ତୃତୀୟ ଥର ପାଇଁ ୭ଟା୫ ମିନିଟ ସମୟରେ ଥରିଥିଲା ଫୟାଜାବାଦ । ଫୟାଜାବାଦର ପୂର୍ବଉତ୍ତରପୂର୍ବ ଦିଗରେ ୫.୨ ତୀବ୍ରତାର ଭୂକମ୍ପ ଅନୁଭୂତ ହୋଇଥିଲା । ଏହାର ଗଭୀରତା ୧୦ କିମି ରେକ୍ରଡ କରାଯାଇଥିବା ବେଳେ ଅକ୍ଷାଂଶ ୩୭.୯୭ ଏବଂ ଦ୍ରାଘିମା ୭୩.୫୨ ରେକର୍ଡ କରାଯାଇଛି । ତେବେ ସକାଳୁ ତିନିଥର ଥରିଲା ଆଫଗାନିସ୍ତାନ । କ୍ଷୟକ୍ଷତି ନେଇ ବର୍ତ୍ତମାନ ସୁଦ୍ଧା କୌଣସି ସୂଚନା ହସ୍ତଗତ ହୋଇନାହିଁ ।
ପ୍ରକାଶଥାଉକି, ଏହା ପୂର୍ବରୁ ତୁର୍କୀ ଏବଂ ସିରିଆରେ ବଡ ଧରଣର ଭୂକମ୍ପ ହୋଇଥିଲା । ଫଳରେ ୪୬ ହଜାରରୁ ଉର୍ଦ୍ଧ୍ବ ଲୋକ ପ୍ରାଣ ହରାଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
