ହାଇଦ୍ରାବାଦ: ‘ହମାସ’ ଗୋଷ୍ଠୀର ଆକ୍ରମଣ ପରେ ଗାଜା-ଇସ୍ରାଏଲ ମଧ୍ୟରେ ଜାରି ରହିଥିବା ଯୁଦ୍ଧ ଆଜି 11ତମ ଦିନରେ ପହଞ୍ଚିଛି । ‘ହମାସ’ ଆତଙ୍କୀ ଗୋଷ୍ଠୀ ଗାଜାରୁ ପ୍ରାୟତଃ ନିଶ୍ଚିହ୍ନ ହୋଇସାରିଥିବା ବେଳେ ଇସ୍ରାଏଲ ପ୍ରଚଣ୍ଡ ଆକ୍ରମଣ ଜାରି ରଖିଛି । ସମ୍ପୂର୍ଣ୍ଣ ଅବରୋଧ ଥିବା ଗାଜାରେ ପ୍ରବଳ ଆକ୍ରମଣ ଜାରି ରଖିଛି ଇସ୍ରାଏଲ । ହମାସର ଶେଷ ଆତଙ୍କୀଙ୍କୁ ନିପାତ କରାଯିବା ପରେ ଏହି ଅପରେସନ ଆଇରନ ସୋର୍ଡ ବନ୍ଦ କରାଯିବା ନେଇ ଇସ୍ରାଏଲ ସେନା ପକ୍ଷରୁ ସ୍ପଷ୍ଟ କରାଯାଇଛି । ଅନ୍ୟପଟେ ଇସ୍ରାଏଲର ଆକ୍ରମଣରେ ଗାଜାରେ ମୃତ୍ୟୁସଂଖ୍ୟା ପ୍ରାୟ 3 ହଜାର ପାର କରିସାରିଥିବା ଆଶଙ୍କା କରାଯାଉଛି । ମୃତକଙ୍କ ମଧ୍ୟରେ ଅଧିକାଂଶ ସାଧାରଣ ପାଲେଷ୍ଟାଇନ ନାଗରିକ ମଧ୍ୟ ରହିଛନ୍ତି ।
-
#WATCH | Israel Defense Forces (IDF) tweets, "We just eliminated Ayman Nofal, a senior Hamas operative. Nofal was the Commander of Hamas’ Central Brigade in Gaza and the former Head of Military Intelligence. Nofal directed many attacks against Israeli civilians and besides being… pic.twitter.com/OZOXwyUUWI
— ANI (@ANI) October 17, 2023 " class="align-text-top noRightClick twitterSection" data="
">#WATCH | Israel Defense Forces (IDF) tweets, "We just eliminated Ayman Nofal, a senior Hamas operative. Nofal was the Commander of Hamas’ Central Brigade in Gaza and the former Head of Military Intelligence. Nofal directed many attacks against Israeli civilians and besides being… pic.twitter.com/OZOXwyUUWI
— ANI (@ANI) October 17, 2023#WATCH | Israel Defense Forces (IDF) tweets, "We just eliminated Ayman Nofal, a senior Hamas operative. Nofal was the Commander of Hamas’ Central Brigade in Gaza and the former Head of Military Intelligence. Nofal directed many attacks against Israeli civilians and besides being… pic.twitter.com/OZOXwyUUWI
— ANI (@ANI) October 17, 2023
ଗାଜାରେ ଥିବା ପାଲେଷ୍ଟାଇନ ନାଗରିକମାନେ ମାନବୀୟ ସଙ୍କଟର ସାମ୍ନା କରୁଛନ୍ତି । ଇସ୍ରାଏଲର ପ୍ରଚଣ୍ଡ ଆକ୍ରମଣରେ ବିଲ୍ଡିଂ ତଳୁ ମୃତଦେହ ଉଦ୍ଧାର ହେବା ସହ ସଂଖ୍ୟା ମଧ୍ୟ ବଢିବାରେ ଲାଗିଛି । ଆଜି ହମାସର ଆଉ ଜଣେ ଟପ କମାଣ୍ଡରକୁ ନିପାତ କରାଯାଇଥିବା ନେଇ ଇସ୍ରାଏଲ ଫୋର୍ସ ଦାବି କରିଛି । ଏୟାର ଷ୍ଟ୍ରାଇକର ଏକ ଭିଡିଓ ମଧ୍ୟ ଜାରି କରିଛି ଆଇଡିଏଫ ।
ଗାଜା ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି, ପ୍ରାୟ 3 ହଜାର ପାଲେଷ୍ଟାଇନୀୟଙ୍କର ମୃତ୍ୟୁ ଘଟିଛି ଏବଂ 12 ହଜାରରୁ ଅଧିକ ଆହତ ହୋଇଛନ୍ତି । ଏୟାର ଷ୍ଟ୍ରାଇକର ଆବର୍ଜନା ମଧ୍ୟରେ ଅନେକ ମୃତାହତ ରହିଛନ୍ତି । ଅନ୍ୟପଟେ ଇସ୍ରାଏଲର ତଥ୍ୟ ଅନୁଯାୟୀ, 1400 ରୁ ଅଧିକ ଇସ୍ରାଏଲ ନାଗରିକ ହମାସର ଆକ୍ରମଣରେ ମୃତ୍ୟୁ ଘଟିଛି । ସେହିପରି 7 ତାରିଖ ଦିନ ରକେଟ ଆକ୍ରମଣ କରିବା ସହ ଇସ୍ରାଏଲ ସୀମାରେ ଅନୁପ୍ରବେଶ କରି ହମାସ ଆତଙ୍କୀମାନେ ଶିଶୁଙ୍କ ସମେତ ପ୍ରାୟ 2 ଶହ ସାଧାରଣ ଇସ୍ରାଏଲୀ ନାଗରିକଙ୍କୁ ଅପହରଣ କରିନେଇଥିଲେ । ସେମାନଙ୍କ ମଧ୍ୟରୁ ଅନେକଙ୍କୁ ବର୍ବରତାର ସହ ହତ୍ୟା ମଧ୍ୟ କରିଥିଲେ ଆତଙ୍କୀ ।
ଏହା ମଧ୍ୟ ପଢନ୍ତୁ :- Israel Hamas War: ଇସ୍ରାଏଲ ଉପରେ ଆକ୍ରମଣ ବିଶ୍ବକୁ ସ୍ତବ୍ଧ କରିଛି କହିଲେ ଋଷି ସୁନକ
ଅନ୍ଯପଟେ ଯୁଦ୍ଧ ସ୍ଥିତି ମଧ୍ଯରେ ଏକାଧିକ ୟୁରୋପୀୟ ରାଷ୍ଟ୍ରର ମୁଖ୍ୟମାନେ ମଧ୍ୟ ନିକଟରେ ଇସ୍ରାଏଲ ଗସ୍ତ କରିବାର ସଙ୍କେତ ମିଳିଲାଣି । ଇସ୍ରାଏଲକୁ ପ୍ରଥମ ଦିନରୁ ପ୍ରତ୍ୟେକ୍ଷ ସମର୍ଥନ କରିଥିବା ଆମେରିକାର ରାଷ୍ଟ୍ରପତି ବାଇଡେନ ମଧ୍ୟ ନିକଟରେ ଟେଲଆଭିବରେ ପହଞ୍ଚିପାରନ୍ତି । ଏହା ପୂର୍ବରୁ ଆମେରିକାର ବିଦେଶ ସଚିବ ଆଣ୍ଟୋନି ବ୍ଲିନକେନ ଇସ୍ରାଏଲ ଗସ୍ତ କରି ପ୍ରଧାନମନ୍ତ୍ରୀ ନେତିନ୍ୟାହୁଙ୍କ ସହ ଆଲୋଚନା କରିସାରିଛନ୍ତି । ସେହିପରି କେବଳ ଆମେରିକା ନୁହେଁ ବରଂ ଅନ୍ୟତମ ଶକ୍ତିଶାଳୀ ୟୁରୋପୀୟ ରାଷ୍ଟ୍ର ଫ୍ରାନ୍ସର ରାଷ୍ଟ୍ରପତି ଇମାନୁଏଲ ମାକ୍ରୋନ ମଧ୍ୟ ଇସ୍ରାଏଲ ଗସ୍ତ କରିବା ନେଇ ସୂଚନା ଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
