ଓ୍ବାଶିଂଟନ: ଆମେରିକାର କାଲିଫର୍ଣ୍ଣିଆର ଗୁଳିକାଣ୍ଡ ଘଟିଛି । ଏଥିରେ ଜଣଙ୍କର ମୃତ୍ୟୁ ହୋଇଥିବାବେଳେ ୪ଜଣ ଆହତ ହୋଇଛନ୍ତି । ସନ୍ଦିଗ୍ଧଙ୍କ ଅତର୍କିତ ଆକ୍ରମଣ ଯୋଗୁଁ ଜଣଙ୍କ ମୃତ୍ୟୁ ହୋଇଥିବା ବେଳେ ୪ ଜଣ ଗୁରୁତର ହୋଇଛନ୍ତି । ଏନେଇ ଅରେଞ୍ଜ୍ କଣ୍ଟ୍ରି ସରିଫ୍ ଟ୍ବିଟ କରି ସୂଚନା ଦେଇଛି । ସୂଚନା ମୁତାବକ, କାଲିଫର୍ନିଆର ଲଗୁନା ବୁଡସ୍ ସହରସ୍ଥିତ ଏକ ଚର୍ଚ୍ଚରେ ଗତକାଲି ଅପରାହ୍ନ ୧.୩୦ ସମୟରେ ଗୁଳି ଶବ୍ଦ ଶୁଣିବାକୁ ମିଳିଥିଲା ।
ଉକ୍ତ ସମୟରେ ଚର୍ଚ୍ଚରେ ପ୍ରାୟ ୩୦ରୁ ୪୦ ଲୋକ ଉପସ୍ଥିତ ଥିଲେ। ଗୁଳି ଶବ୍ଦ ଶୁଣି ପ୍ରାଣ ଭୟରେ ଲେକେ ଦୌଡିବାକୁ ଆରମ୍ଭ କରିଥିଲେ । ଗୁଳି ବାଜି ଘଟଣାସ୍ଥଳରେ ଜଣଙ୍କ ମୃତ୍ୟୁ ହୋଇଥିବା ବେଳେ ୪ ଜଣଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି । ଅଭିଯୁକ୍ତକୁ ଗିରଫ ସହ ବନ୍ଧୁକ ଜବତ କରିଛି । ଉଲ୍ଲେଖଯୋଗ୍ୟ ଯେ, ଗତ ଶନିବାର ଆମେରିକାର ବଫେଲୋ ସହରସ୍ଥିତ ଏକ ସୁପର ମାର୍କେଟରେ ଆଖି ବୁଜା ଗୁଳିମାଡ ହୋଇଥିଲା ଓ ଏଥିରେ ୧୦ ଜଣଙ୍କ ମୃତ୍ୟୁ ହୋଇଥିଲା । କାଲିଫର୍ନିଆର ଏକ ଚର୍ଚ୍ଚରେ ଘଟିଛି ସମାନ ଘଟଣା ।
ବ୍ୟୁରୋ ରିପୋର୍ଟ, ଇଟିଭି ଭାରତ
