ଇସ୍ତାନବୁଲ: ତୁର୍କୀରେ ରହିଥିବା 1500 ବର୍ଷ ପୁରୁଣା ୟୁନେସ୍କୋ ମାନ୍ୟତା ପ୍ରାପ୍ତ ବିଶ୍ବ ଐତିହ୍ୟସ୍ଥଳୀ ହାଜିଆ ସୋଫିଆକୁ ମସଜିଦରେ ପରିଣତ ନେଇ ଶୁଣାଣି ତାରିଖ ଘୁଞ୍ଚାଇଛନ୍ତି ଏକ କୋର୍ଟ । ଗୁରୁବାର ଏହି ଶୁଣାଣି ବିଳମ୍ବ ହେବା ନେଇ ସ୍ପଷ୍ଟ କରାଯାଇଥିବା ବେଳେ ତୁର୍କୀର ସର୍ବୋଚ୍ଚ ପ୍ରଶାସନିକ ଅଙ୍ଗ ବା ରାଜସ୍ବ କାଉନସିଲ ଏହାର ନିଷ୍ପତ୍ତି ଆଗାମୀ 15 ଦିନ ମଧ୍ୟରେ ନେବା ନେଇ ସ୍ପଷ୍ଟ କରିଛି ।
ହାଜିଆ ସୋଫିଆ ବାସ୍ତବରେ ଏକ ଚର୍ଚ୍ଚ ବା କ୍ୟାଥେଡ୍ରାଲ ଥିଲା, ଯାହା ପରବର୍ତ୍ତୀ ସମୟରେ ଏକ ମସଜିଦ ଓ ଶେଷରେ 1930 ମସିହାରେ ଏକ ସଂଗ୍ରହାଳୟ ପାଲଟିଲା । ତେବେ ଯଦି କୋର୍ଟ ଅନୁମତି ଦିଅନ୍ତି ତେବେ ଏହା ପୁଣି ଏକ ମସଜିଦରେ ପରିଣତ ହେବ । ଗତବର୍ଷ ନିର୍ବାଚନ ସମୟରେ ତୁର୍କୀଶ ରାଷ୍ଟ୍ରପତି ରେସେପ ତାୟିପ ଏହି ପରିବର୍ତ୍ତନ ନେଇ ଘୋଷଣା କରିଥିଲେ । ଏନେଇ ଦେଶରେ ଇସଲାମ ଧର୍ମୀୟମାନେ ଦୀର୍ଘ ସମୟରେ ଧରି ଦାବି କରିଆସିଥିଲେ । ହେଲେ ଏହାକୁ ଅନ୍ୟ ଧର୍ମ ନିରପେକ୍ଷ ବିରୋଧୀମାନେ ପ୍ରତିବାଦ କରିଥିଲେ ।
କେବଳ ଜାତୀୟ ନୁହେଁ ବରଂ ଅନ୍ତର୍ଜାତୀୟ ସ୍ତରରେ ମଧ୍ୟ ଏହା ଅନେକ ସମୟରେ ପ୍ରତିବାଦର ସାମ୍ନା କରିଥିଲା । ହେଲେ ଏନେଇ ଦେଶର ସାଂସ୍କୃତିକ ମନ୍ତ୍ରୀ କହିଥିଲେ କି ଦେଶରେ ଜାତୀୟବାଦ ଓ ଧାର୍ମିକ ଭାବନା ଜାଗୃତ ହୋଇପାରିବ ।
@IANS
