ବାଗଦାଦ: ବିଶ୍ବ ଏବେ କୋରୋନା ଭାଇରସ ଠାରୁ ବର୍ତ୍ତିବା ପାଇଁ ଯୁଦ୍ଧ ଜାରି ରଖିଛି । ଅନ୍ୟପଟେ ମଧ୍ୟପ୍ରାଚ୍ୟରେ ମିସାଇଲ ମାଡ ଘଟଣା ଭିନ୍ନ ଏକ ସମସ୍ୟା ଉତ୍ପନ୍ନ କରିଛି । ସୋମବାର ଇରାକର ବସ୍ରା ପ୍ରଦେଶରେ ଥିବା ଏକ ଆମେରିକୀୟ ତୈଳ କମ୍ପାନୀର ଏକ ସ୍ଥାନ ନିକଟରେ ପାଞ୍ଚଟି ରକେଟ୍ ମାଡ କରାଯାଉଛି । ସୁରକ୍ଷା ସୂତ୍ର ଏ ବିଷୟରେ ସୂଚନା ଦେଇଛି । ଏହି ରକେଟ ମାଡରେ କୌଣସି କ୍ଷୟକ୍ଷତିର ସୂଚନା ମିଳିନାହିଁ ।
ନ୍ୟୁଜ୍ ଏଜେନ୍ସି ଜିନହୁଆ ରିପୋର୍ଟ କରିଛି ଯେ ଅଲ-ଜୁବାଇର ଅଞ୍ଚଳର ହାଲିବର୍ଟନ୍ ତୈଳ କମ୍ପାନୀକୁ କାଲୁଷା ରକେଟ୍ ଖସିଛି ।
ସୂତ୍ରରୁ ପ୍ରକାଶ ଯେ ଇରାକ ସୁରକ୍ଷା ବାହିନୀ ଆଖପାଖ ଅଞ୍ଚଳରେ ସର୍ଚ୍ଚ ଅପରେସନ କରିଥିଲା ଯେଉଁଥିରେ ସେମାନେ ରକେଟ୍ ଲଞ୍ଚର୍ ପାଇଥିଲେ ।
ଏହି ଆକ୍ରମଣ ପାଇଁ ଏପର୍ଯ୍ୟନ୍ତ କୌଣସି ଗୋଷ୍ଠୀ ନିଜକୁ ଦାୟୀ କରିନାହାଁନ୍ତି । ଏହି ସମୟ ମଧ୍ୟରେ, ବିଦ୍ରୋହୀମାନଙ୍କ ଦ୍ବାରା ମୋର୍ଟାର ଏବଂ ରକେଟ ଆକ୍ରମଣ ଦ୍ବାରା ଇରାକରେ ଆମେରିକାର ସୈନ୍ୟବାହିନୀ ବାସଗୃହକୁ ଟାର୍ଗେଟ କରାଯାଉଥିବା ଜଣାଯାଉଛି ।
ଏଠାରେ ସୂଚନା ଯୋଗ୍ୟ ଯେ, ମୁଖ୍ୟତ ତାଲିମ ଏବଂ ପରାମର୍ଶଦାତା ଉଦ୍ଦେଶ୍ୟ ତଥା ଆତଙ୍କବାଦୀ ଗୋଷ୍ଠୀ ଇସଲାମିକ୍ ଷ୍ଟେଟ୍ ବିରୋଧରେ ଲଢେଇରେ ସ୍ଥାନୀୟ ବାହିନୀକୁ ସହାୟତା କରିବା ପାଇଁ ଇରାକରେ 5000 ରୁ ଅଧିକ ଆମେରିକୀୟ ସୈନ୍ୟ ନିୟୋଜିତ ହୋଇଛନ୍ତି।
@IANSଇନପୁଟ
