ସିରିଆ: ସିରିଆର ରାଜଧାନୀ ଡମାସକସ ଉପରେ ମିସାଇଲ ମାଡ । ଗୁରୁବାର ରାତିରେ ଇସ୍ରାଇଲ ସିରିଆ ରାଜଧାନୀର କେତେକ ଅଞ୍ଚଳରେ ମିସାଇଲ ମାଡ କରିଥିବା ଜଣାପଡିଛି । ସିରିଆ ପ୍ରତିରକ୍ଷା ମଧ୍ୟ ଏହି ଆକ୍ରମଣର ଜବାବ ଦେଇ ଅଧିକାଂଶ କ୍ଷେପଣାସ୍ତ୍ରକୁ ଅଟକାଇବାରେ ସଫଳ ହୋଇଛି ।
ମିସାଇଲ ମାଡରେ ହୋଇଥିବା କ୍ଷୟକ୍ଷତିର ଆକଳନ କରୁଛନ୍ତି ସିରିଆ କର୍ତ୍ତୃପକ୍ଷ । ଇସ୍ରାଇଲ ଏୟାର ଷ୍ଟ୍ରାଇକ କରିଥିବା ସମୟରେ ଏକ ଭୟଙ୍କର ବିସ୍ଫୋରଣର ଶଦ୍ଦ ଶୁଣିବାକୁ ମିଳିଥିଲା । ବିସ୍ଫୋରଣର ଶଦ୍ଦ ଶୁଣିବା ପୂର୍ବରୁ ସିରିଆ ପ୍ରତିରକ୍ଷା ଆକାଶରେ କ୍ଷେପଣାସ୍ତ୍ରକୁ ଟାର୍ଗେଟ କରିସାରିଥିବା ଦେଖିଥିବା କହିଛନ୍ତି ଡମାସକସର ଜଣେ ରିପୋର୍ଟର ।
ଏହା ପୂର୍ବରୁ ମଙ୍ଗଳବାର ଦେଶର ଦକ୍ଷିଣ-ପଶ୍ଚିମ ପ୍ରଦେଶର କୁନିଟ୍ରା ପ୍ରଦେଶର ସମାରିକ ଅଞ୍ଚଳରେ କ୍ଷେପଣାସ୍ତ୍ର ଆକ୍ରମଣ ପରେ ଦୁଇ ଦିନ ମଧ୍ୟରେ ସିରିଆ ଉପରେ ଇସ୍ରାଏଲର ଏହା ଆକ୍ରମଣ ଦ୍ବିତୀୟ ଥିଲା । ଇରାନ ସମର୍ଥକ ସେନା ଥିବା ସିରିଆର ସାମରିକ ସ୍ଥାନରେ ଇସ୍ରାଏଲ ବାରମ୍ବାର ଆକ୍ରମଣ ଆରମ୍ଭ କରିଛି ।
@ANI
