ନୂଆଦିଲ୍ଲୀ: ଇସ୍ରାଏଲକୁ ମହାମାରୀ କୋରୋନା ଯୁଦ୍ଧର ଅସ୍ତ୍ର ସାଜିଥିବା ଆଣ୍ଟି-ମ୍ୟାଲେରିଆ ଔଷଧକୁ ପଠାଇଲା ଭାରତ । 5ଟନର କ୍ଲୋରକୁଇନ ଓ ହାଇଡ୍ରୋକ୍ସି-କ୍ଲୋରକୁଇନ ପଠାଯାଇଛି । ଗୁରୁବାର ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ ଟ୍ବିଟର ଯୋଗେ ପିଏମ ମୋଦିଙ୍କୁ ଧନ୍ୟବାଦ ଜଣାଇଛନ୍ତି ।
ମଙ୍ଗଳବାର ଦିନ ଭାରତରୁ କରୋନା ଭାଇରସ୍ ରୋଗୀଙ୍କ ଚିକିତ୍ସା ପାଇଁ ଔଷଧ ତିଆରିରେ ବ୍ୟବହୃତ ସାମଗ୍ରୀ ବିମାନ ଯୋଗେ ଇସ୍ରାଏଲକୁ ପଠାଯାଇଥିଲା । ଯାହାକୁ ନେଇ ବେଞ୍ଜାମିନ୍ ନେତାନ୍ୟାହୁ ଭାରତକୁ ଧନ୍ୟବାଦ ଜଣାଇଛନ୍ତି। ଯାହାକୁ ବର୍ତ୍ତମାନ ସମୟରେ COVID-19 ରୋଗୀଙ୍କ ଚିକିତ୍ସାକର ସର୍ବୋତ୍ତମ ଉପଶମ ଭାବେ ବିବେଚନା କରାଯାଉଛି ।
ସୂଚନାଯୋଗ୍ୟ, ଇସ୍ରାଏଲରେ 10 ହଜାର ଲୋକେ ସଂକ୍ରମିତ ଥିବାବେଳେ 86 ଜଣଙ୍କ ଜୀବନ ନେଇଛି । ଏହା ସହ 121 ଗୁରୁତରଙ୍କୁ ଭେଣ୍ଟିଲେଟରରେ ରଖାଯାଇଛି । ତେବେ ଗତ 3 ଏପ୍ରିଲରେ ମୋଦିଙ୍କୁ ସହ ଫୋନ ଯୋଗେ ହାଇଡ୍ରୋକ୍ସି-କ୍ଲୋରକୁଇନ ଯୋଗାଇ ଦେବା ନେଇ ଅନୁରୋଧ କରିଥିଲେ । ଯାହାକୁ ଭାରତ ମାନବିକତା ଦୃଷ୍ଟିରୁ ଇସ୍ରାଏଲକୁ ପଠାଇଛି । ତେବେ କହିରଖୁଛୁ, ଏହା ପୂର୍ବରୁ ଆମେରିକା ମଧ୍ୟ ହାଇଡ୍ରୋକ୍ସି-କ୍ଲୋରକୁଇନକୁ ପଠାଇଛି ଭାରତ ।
