ଲାହୋର: ପାକିସ୍ତାନର କ୍ବୋଟା ସହରରେ ଏକ ମସଜିଦ୍ ନିକଟରେ ବମ୍ ବିସ୍ଫୋରଣ ହୋଇଛି । ଏହି ବିସ୍ଫୋରଣରେ 4ଜଣ ପୋଲିସ କର୍ମୀଙ୍କ ମୃତ୍ୟୁ ହୋଇଥିବାବେଳେ 11 ଜଣ ଆହତ ହୋଇଛନ୍ତି । ଆହତଙ୍କୁ ଏବେ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି ।
ରମଜାନ ମାସରେ ଲୋକମାନେ ମସଜିଦ୍ରେ ପ୍ରାର୍ଥନା କରିବା ପାଇଁ ଏକତ୍ରିତ ହେବା ସମୟରେ ଏହି ବିସ୍ଫୋରଣ ଘଟିଛି । ପ୍ରାରମ୍ଭିକ ତଦନ୍ତ ପରେ ବମ୍କୁ ଏକ ବାଇକ୍ରେ ଖଞ୍ଜା ଯାଇଥିବା ସୂଚନା ଦେଇଛନ୍ତି ପୋଲିସ ଡିଆଇଜି ଅବଦ୍ଦୁଲ ରଜାକ୍ ଚିମା । ଏହି ବିସ୍ଫୋରଣ ପରେ ସମଗ୍ର ଅଞ୍ଚଳକୁ ପୋଲିସ ସିଲ୍ କରି ଛାନଭିନ୍ ଚଳାଇଛି ।
ରମଜାନ ମାସରେ ଅଶାନ୍ତ ରହିଛି ପାକିସ୍ତାନ । ଏହାକୁ ମିଶାଇ ରମଜାନ ମାସରେ 4ଟି ବିସ୍ଫୋରଣରେ ଥରିଛି ପାକିସ୍ତାନ ।
