ନୂଆଦିଲ୍ଲୀ/ଲଣ୍ଡନ: ମଦ ସମ୍ରାଟ ତଥା ଭାରତୀୟ ପଳାତକ ବିଜୟ ମାଲ୍ୟାଙ୍କ ଭାରତ ଫେରିବା ବାଟ ପରିସ୍କାର ହୋଇଛି । ଭାରତ ବିରୋଧରେ ପ୍ରତ୍ୟର୍ପଣ ମାମଲାକୁ ମାଲ୍ୟା ବ୍ରିଟେନ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିଥିଲା । ଯାହାକୁ ଗୁରୁବାର ଖାରଜ କରି ମାଲ୍ୟାର ଭାରତ ଫେରିବା ସୁନିଶ୍ଚିତ କରିଛନ୍ତି ବ୍ରିଟେନ ସୁପ୍ରିମକୋର୍ଟ । ଯାହା ଆଧରରେ ଆଗାମୀ 28 ଦିନ ଭିତରେ ମାଲ୍ୟାକୁ ଭାରତ ଫେରିବାକୁ ହେବ ।
ପୂର୍ବତନ ସାଂସଦ ତଥା ଭାରତରେ ବୃହତ୍ତମ ସ୍ପିରିଟ କମ୍ପାନୀ ୟୁନାଇଟେଡ ସ୍ପିରିଟ୍ସ ସଂସ୍ଥାପକ ବିଜୟ ମାଲ୍ୟା ପରବର୍ତ୍ତୀ ସମରେ କିଙ୍ଗଫିସର ଏୟାରଲାଇନ୍ସର ସ୍ଥାପନା ମଧ୍ୟ କରିଥିଲେ । ହେଲେ ଏସବୁ ପରେ ତାଙ୍କ ବିରୋଧରେ ପ୍ରାୟ 1.3 ବିଲିୟନ ଡଲାରର ଅର୍ଥ ହେରଫେର ମାମଲା ଆସିଥିଲା । ଏହି ମାମଲାରେ ଫସିବା ପରେ 2016 ମସିହାରେ ସେ ବ୍ୟକ୍ତିଗତ କାରଣ ଦର୍ଶାଇ ଭାରତ ଛାଡିଥିଲେ । ତେବେ ଏହି ମାମଲାରେ ସେ ପ୍ରାୟ 17ଟି ଭାରତୀୟ ବ୍ୟାଙ୍କରୁ ଅର୍ଥ ହେରଫେର କରିଥିବା କୁହାଯାଇଥିଲା । ଏହି ବ୍ୟାଙ୍କ ଗୁଡିକରୁ ସେ ଧାର ନେଇ 40 ବିଦେଶୀ କମ୍ପାନୀରେ ବିନିମୟ କରୁଥିବା ପ୍ରମାଣ ମିଳିଥିଲା ।
ବର୍ତ୍ତମାନ ଲଣ୍ଡନରେ ମାଲ୍ୟାଙ୍କ ପାଇଁ ସମସ୍ତ ଦ୍ବାର ବନ୍ଦ ହୋଇସାରିଛି ତଥାପି ମାଲ୍ୟା ନିଜ ଶେଷ ଚାଲ ଚଲେଇବାରେ ହେଳା କରିବେ ନାହିଁ ବୋଲି ଆକଳନ କରାଯାଉଛି । ଏହି ଶେଷ ଦ୍ବାର ହେଉଛି ୟୁକେ ଗୃହ ସଚିବ ପ୍ରୀତି ପଟେଲ । ଯଦି ଏଠାରେ ମାଲ୍ୟାଙ୍କ ଆବେଦନ ଖାରଜ ହୁଏ ତେବେ ୟୁକେରେ ବି ମାଲ୍ୟାଙ୍କ ପାଇଁ ଆଉ ମୁଣ୍ଡ ଗୁଞ୍ଜିବାକୁ ଜାଗା ରହିବ ନାହିଁ ବୋଲି ସ୍ପଷ୍ଟ ହୋଇଛି ।
@IANS
