ଲଣ୍ଡନ: ଖୁବଶୀଘ୍ର ୟୁକେରେ କୋହଳ ହେବାକୁ ଯାଉଛି ବିଦେଶ ଯାତ୍ରା ନେଇ ଲାଗୁ ହୋଇଥିବା ଅନେକ କଟକଣା । ପୂର୍ବରୁ କେବଳ ଜରୁରୀ କାର୍ଯ୍ୟ ପାଇଁ ବିମାନ ସେବା ଉପଲବ୍ଧ ରହିଥିବା ବେଳେ ବିଦେଶ ଯାତ୍ରା ପାଇଁ ମଧ୍ୟ ଅନୁମତି ରହିଥିଲା । ହେଲେ ଜୁଲାଇ 6ରୁ ଜରୁରୀ କାର୍ଯ୍ୟ ଛଡା ଅନ୍ୟାନ୍ୟ କାର୍ଯ୍ୟ ପାଇଁ ମଧ୍ୟ ବିଦେଶ ଯାତ୍ରାକୁ ଅନୁମତି ମିଳିବା ପାଇଁ ସ୍ପଷ୍ଟ କରିଛନ୍ତି ବିଭାଗୀୟ ଅଧିକାରୀ ।
ତେଣୁ ଆଗାମୀ ଦିନରେ ଛୁଟି ବିତାଇବା ପାଇଁ ମଧ୍ୟ ଚାହିଁଲେ ପର୍ଯ୍ୟଟକମାନେ ୟୁକେ ଆସିପାରିବେ । ଏଥିପାଇଁ ସେମାନଙ୍କୁ 14 ଦିନିଆ କ୍ବାରେଣ୍ଟାଇନରେ ମଧ୍ୟ ରହିବାକୁ ହେବ ନାହିଁ ବୋଲି ବୋଲି ସ୍ପଷ୍ଟ କରାଯାଇଛି । ତେବେ ଏହି ନିୟମ ସ୍ପେନ, ଫ୍ରାନ୍ସ, ଗ୍ରୀସ, ଇଟୀଲୀ, ନେଦରଲାଣ୍ଡ, ଫିନଲାଣ୍ଡ, ବେଲଜିୟମ, ତୁର୍କୀ, ଜର୍ମାନୀ ଓ ନରୱେ ପାଇଁ ଲାଗୁ ହେବ । ହେଲେ ଏଥିରୁ ପର୍ତ୍ତୁଗାଲ ଓ ସ୍ବିଡେନକୁ ବାଦ ଦିଆଯିବା ନେଇ ଜଣା ପଡିଛି । ଏନେଇ ଆଗାମୀ ସପ୍ତାହରେ ଏକ ତାଲିକା ଘୋଷଣା କରାଯିବ ।
ସରକାରୀ ମୁଖପାତ୍ର ଏ ସମ୍ପର୍କରେ ସୂଚନା ଦେଇ କହିଛନ୍ତି କି ଏହି ନୂଆ ନିୟମ ଦ୍ବାରା ପର୍ଯ୍ୟଟକଙ୍କୁ ଖରା ଛୁଟିରେ ବିଦେଶ ଭ୍ରମଣ କରିବାର ସୁଯୋଗ ଦିଆଯିବ । ଅନେକ ଏଥିପାଇଁ ପୂର୍ବରୁ ଯୋଜନା କରିଥିବା ବେଳେ ଲକଡାଉନ ପାଇଁ ଯୋଜନାରେ ପରିବର୍ତ୍ତନ କରିବାକୁ ବାଧ୍ୟ ହୋଇଥିଲେ । ହେଲେ ଲକଡାଉନ ପରି ସମୟ ସପରିବାର ସମୟ ବିତାଇବାର ସର୍ବୋକୃଷ୍ଟ ସମୟ ହୋଇଥିବାରୁ ଏହି ସୁଯୋଗ ସେମାନେ ହାତଛଡା କରିବା କଥା ନୁହେଁ । ହେଲେ ଯଦି ସଂକ୍ରମଣର ମାତ୍ରା ପୁଣି ବଢେ କିମ୍ବା କେତେକ ସ୍ଥିତିରେ ବ୍ୟତିକ୍ରମ ହୁଏ ତେବେ ସରକାର ପୁଣି କଟକଣା କଡାକଡି କରିପାରିବେ ।
@IANS
