ଲଣ୍ଡନ: ବର୍ତ୍ତମାନ କୋରୋନା ସ୍ଥିତିରେ ସାମାନ୍ୟ ସୁଧାର ବା ସ୍ଥିରତା ଆସିବା ପରେ ଅର୍ଥନୀତିକୁ ସ୍ବାଭାବିକ କରିବା ପାଇଁ ଖୋଲିଛି ଦୋକାନ ବଜାର ଓ ଯାତାୟତ ବ୍ୟବସ୍ଥା । ବ୍ରିଟେନରେ ମଧ୍ୟ ବିମାନ ଚଳାଚଳ ସ୍ବାଭାବିକ ହୋଇଥିବା ବେଳେ ୟୁକେ ଆସୁଥିବା ଯାତ୍ରୀଙ୍କ ପାଇଁ 14 ଦିନିଆ କ୍ବାରେଣ୍ଟାଇନ ବାଧ୍ୟତାମୂଳକ କରାଯାଇଛି । ହେଲେ ଏହାକୁ ଯେଉଁ ଯାତ୍ରୀମାନେ ଅମାନ୍ୟ କରିବେ ସେମାନଙ୍କୁ ଆର୍ଥିକ ତଣ୍ଡ ଦେବାକୁ ହେବ ବୋଲି ଶୁକ୍ରବାର ଘୋଷଣା କରାଯାଇଛି ।
ଘୋଷଣାରେ ସ୍ପଷ୍ଟ କରାଯାଇଛି କି ଯାତ୍ରୀମାନେ ୟୁକେରେ ପହଞ୍ଚିବା ପରେ ତୁରନ୍ତ ସ୍ବାସ୍ଥ୍ୟ ପରୀକ୍ଷା କରିବା ସହ ସେଲ୍ଫ ଆଇସୋଲେସନରେ ରହିବାକୁ ବାଧ୍ୟ । ନଚେତ୍ ସେମାନଙ୍କୁ 1000 ପାଉଣ୍ଡର ତଣ୍ଡ ଗଣିବାକୁ ହେବ । ଏହି ନୂଆ ନିୟମ ମୁତାବକ ସ୍ବଦେଶ ଫେରୁଥିବା ବ୍ରିଟିଶ ନାଗରିକ ଆଗାମୀ ମାସେ ଯାଏଁ ମୁଖ୍ୟସ୍ରୋତରେ ସାମିଲ ନହେବା ପାଇଁ ନିର୍ଦ୍ଦେଶ ରହିଛି । ଏନେଇ ଗୃହ ସଚିବ ପ୍ରୀତି ପଟେଲ ପରବର୍ତ୍ତୀ ସମୟରେ ଅଧିକ ସୂଚନା ଦେବା ନେଇ କହିଛନ୍ତି ।
ତେବେ ଦେଶରେ କୋରୋନାର ଦ୍ବିତୀୟ ଲହରୀ ଆରମ୍ଭକୁ ରୋକିବା ପାଇଁ ଏପରି ପଦକ୍ଷେପ ନିଆଯାଉଥିବା କୁହାଯାଇଛି । ସେ ଟ୍ରେନ ହେଉ କିମ୍ବା ବିମାନ, ଯିଏ ବି ଦେଶ ବାହାରୁ ଆସୁଛନ୍ତି ସେମାନଙ୍କୁ ପ୍ରଥମେ ୟୁକେ ବର୍ଡର ଫୋର୍ସ ଅଧିକାରୀଙ୍କୁ ଆଇସୋଲେସନର ଠିକଣା ଦେବାକୁ ହେବ । ନଚେତ ବର୍ଡର ଫୋର୍ସ ସେମାନଙ୍କୁ କ୍ବାରେଣ୍ଟାଇନରେ ରହିବା ପାଇଁ ଘର ଯୋଗାଇବାର ବ୍ୟବସ୍ଥା କରିବ ।
ଏହି ନୂଆ ନିୟମକୁ ସଡକ ପଥ ଦେଇ ଆସିଥିବା ଯାତ୍ରୀ ଓ ସ୍ବାସ୍ଥ୍ୟକର୍ମୀଙ୍କ ପାଇଁ କୋହଳ କରାଯାଇଥିବା ବେଳେ ଆୟରଲାଣ୍ଡ ରିପବ୍ଲିକରୁ ଆସୁଥିବା ଲୋକଙ୍କ ପାଇଁ ମଧ୍ୟ ନିୟମ କୋହଳ ରହିଛି । ପୂର୍ବରୁ ଫ୍ରାନ୍ସରୁ ଆସୁଥିବା ଲୋକଙ୍କ ପାଇଁ ଏପରି କୌଣସି ନିୟମ ରହିନଥିବା ବେଳେ ଏବେ ସେମାନେ ମଧ୍ୟ ଏହି ନିୟମ ପରିସରଭଉୁକ୍ତ ।
@IANS
