ହାଇଦ୍ରାବାଦ: ତୁର୍କୀର ଏଜିୟନ କୋଷ୍ଟରେ ଅଘଟଣ । ଡଙ୍ଗା ବୁଡି 7ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରୁ 5 ଜଣ ଶିଶୁ ଅଛନ୍ତି । ତୁର୍କୀସ କୋଷ୍ଟ ଗାର୍ଡଙ୍କ ମୁତାବକ, ସେହି ଡଙ୍ଗାରେ 17ଜଣ ଶରଣାର୍ଥୀ ଥିଲେ । ଡଙ୍ଗାଟି ବଲିକେସିର ପ୍ରାନ୍ତର ଏୟାଓ୍ବାଲିକ ଜିଲ୍ଲା ନିକଟରେ ବୁଡିଛି ।
ତେବେ ସେଠାକାର ପ୍ରଶାସନଙ୍କ କହିଛନ୍ତି ଯେ, 5ଜଣ ଶରାଣାର୍ଥୀଙ୍କୁ ଉଦ୍ଧାର କରାଯାଇଛି । କିନ୍ତୁ ବର୍ତ୍ତମାନ ବି 5ଜଣ ନିଖୋଜ ଅଛନ୍ତି । ଏକ ଟିମ୍ ସେମାନଙ୍କ ସନ୍ଧାନ କରୁଛି ।
ସୂଚନାଥାଉକି, ଏଜିୟନ କୋଷ୍ଟ ଦେଇ ପ୍ରବାସୀମାନେ ତୁର୍କୀମାର୍ଗରେ ୟୁରୋପ ଦେଶରେ ପ୍ରବେଶ କରିଥାନ୍ତି । ତେବେ ତୁର୍କୀ ଓ ୟୁରୋପୀୟ ସଂଘର 2016ରେ ଏକ ଚୁକ୍ତିନାମା ପରେ ସେହି ଜଳପଥ ଦେଇ ପ୍ରବାସୀମାନଙ୍କ ପ୍ରବେଶ ଏତେଟା ହେଉ ନାହିଁ ।
