ରୋମ: ଇଟାଲୀର ଏଏସ ରୋମା ପ୍ରଶିକ୍ଷଣ ପଡିଆରୁ ମିଳିଛି ଦ୍ବିତୀୟ ବିଶ୍ବଯୁଦ୍ଧ ସମୟର ଅନେକ ଅଫୁଟା ବୋମା । ତେବେ ଏହି ବୋମାଗୁଡିକ ପଡିଆରୁ ମିଳିବା ପରେ ଇଟାଲୀ ଆର୍ମିକୁ ଖବର ଦିଆଯାଇଥିଲା । ଏନେଇ ଶନିବାର ସୂଚନା ଦେଇଛି ସିରିଜ ଏ କ୍ଲବ ।
କ୍ଲବ ପକ୍ଷରୁ ଟ୍ବିଟ କରି କୁହାଯାଇଛି ଯେ ଇଟାଲୀ ସେନା ଏବଂ ସେମାନଙ୍କ ବୋମା ନିଷ୍କ୍ରିୟକାରୀ ଟିମକୁ ଅଶେଷ ଅଶେଷ ଧନ୍ୟବାଦ । ସେମାନେ ଟ୍ରାଇଗୋରିଆରେ ଥିବା କ୍ଲବର ତାଲିମ କେନ୍ଦ୍ରରୁ ଦ୍ବିତୀୟ ବିଶ୍ବଯୁଦ୍ଧ ସମୟର ଅନେକ ବୋମାକୁ ସୁରକ୍ଷିତ ଏବଂ ସଫଳତାର ସହ ନିଷ୍କ୍ରିୟ କରିଛନ୍ତି ।
ଏଥିରେ ସୈନିକମାନଙ୍କର ବୋମା ନିଷ୍କ୍ରୟ କରିବାର ଚିତ୍ର ମଧ୍ୟ ଦେଖାଯାଇଛି । ଯାହା ପ୍ରାୟ ଏକ ଫୁଟ ଲମ୍ବ ଥିବା ପରି ଦେଖାଯାଉଥିଲା । ପଡିଆରେ ପିଚ୍ ନିର୍ମାଣ ସମୟରେ ଏଠାରେ ପ୍ରାୟ 20ଟି ବୋମା ମିଳିଥିବା ଜଣାପଡିଛି ।
