ଲଣ୍ଡନ: ସୋମବାର ଠାରୁ ୟୁକେରେ ଆରମ୍ଭ ହୋଇଛି ନୂଆ ଅଧ୍ୟାୟ । ବ୍ରେକ୍ସିଟ ସମ୍ମିଳନୀରେ ପରେ ରାଷ୍ଟ୍ରକୁ ନୂଆ ଅଧିକାର ମିଳିଥିବା ବେଳେ ସୋମବାର ଠାରୁ ଏହି ଅଧିକାର ଲାଗୁ ହେବା ନେଇ ସୂଚନା ଦେଇଛନ୍ତି ବୈଦେଶିକ ମନ୍ତ୍ରଣାଳୟ ସଚିବ ଡୋମିନିକ ରାବ । ଏହି ନୂଆ ଅଧିକାର ମୁତାବକ ଏଣିକି ଜାତିସଂଘ ଓ ୟୁରୋପିଆନ ୟୁନିୟନର ସହାୟତା ଓ ଅନୁମତି ବିନା ସ୍ବାଧୀନ ଭାବେ ୟୁକେ ନିଜର ନିଷ୍ପତ୍ତି ଗ୍ରହଣ କରିପାରିବ । ମୁଖ୍ୟତଃ ମାନବ ଅଧିକାନ ନିୟମ ଉଲଙ୍ଘନକାରୀଙ୍କୁ ଏହି ଅଧିକାର ଅନୁଯାୟୀ ସ୍ବାଧୀନ ଭାବେ ୟୁକେ ଦଣ୍ଡ ବିଧାନ କରିପାରିବ ।
ପୂର୍ବରୁ ଏପରି ଗମ୍ଭୀର ଘଟଣାରେ ଦଣ୍ଡବିଧାନ ପାଇଁ ହେଲେ ୟୁକେକୁ ଜାତିସଂଘ ଓ ୟୁରୋପିଆନ ୟୁନିୟନ ସହ ଆଲୋଚନା କରିବାକୁ ପଡୁଥିଲା । ହେଲେ ଏବେ ୟୁକେକୁ ମିଳିଛି ସମ୍ପୂର୍ଣ୍ଣ ସ୍ବାଧୀନତା । ସାରା ବିଶ୍ବରେ ମାନବ ଅଧିକାର ଆଇନ ଉଲଙ୍ଘନକାରୀଙ୍କ ପାଇଁ ୟୁକେ ଦଣ୍ଡ ବିଧାନ କରିପାରିବ । ପ୍ରଥମ ପର୍ଯ୍ୟାୟରେ ୟୁକେ ଆଇନ ଉଲଙ୍ଘନକାରୀଙ୍କ ଏକ ତାଲିକା ପ୍ରକାଶ କରିବ । ତାଲିକାଭୁକ୍ତ ଅପରାଧୀଙ୍କ ମଧ୍ୟରୁ ୟୁକେସ୍ଥିତ ଅପରାଧୀଙ୍କ ସମ୍ପତ୍ତି ଜବତ ହେବାକୁ ଥିବା ବେଳେ ଅନ୍ୟ ଅପରାଧୀଙ୍କ ପାଇଁ ୟୁକେରେ ପ୍ରବେଶ ଉପରେ କଟକଣା ଲଗାଯିବା ନେଇ ଡୋମିନିକ ସ୍ପଷ୍ଟ କରିଛନ୍ତି ।
ତେବେ ଏହି ଅଧିକାର ଅନୁଯାୟୀ ୟୁକେର କାର୍ଯ୍ୟଶୈଳୀରେ ଅନ୍ୟ କିଛି ପରିବର୍ତ୍ତନ ହେବାକୁ ଥିବା ବେଳେ ଡୋମିନିକ ଖୁବଶୀଘ୍ର ଏହାର ତାଲିକା ପ୍ରସ୍ତୁତ କରିବା ପାଇଁ ସୂଚନା ଦେଇଛନ୍ତି । ସେପଟେ ଆଇନ ଉଲଙ୍ଘନକାରୀଙ୍କ ତାଲିକାରେ ମୁଖ୍ୟତଃ ଋଷିଆ, ସାଉଦି ଆରବ ଓ ଉତ୍ତର କୋରିଆର ଅପରାଧୀଙ୍କ ନାମ ସାମିଲ ରହିବା ନେଇ ସୂଚନା ରହିଛି ।
@IANS
