ଲଣ୍ଡନ: ମାଇକ୍ରୋସଫ୍ଟର ଆର୍ଟିଫିସିଆଲ ଇଣ୍ଟେଲିଜେନ୍ସ(ଏଆଇ)ର ସର୍ଭିସକୁ ନେଇ ଏବେ ସୃଷ୍ଟି ହୋଇଛି ପ୍ରଶ୍ନବାଚୀ । ଏହା ମାନବର ବିକଳ୍ପ ଭାବେ କେତେ ସଫଳ ସେନେଇ ଦେଖାଦେଇଛି ପ୍ରଶ୍ନ । ଘଟଣା ଅନୁଯାୟୀ ନିକଟରେ ମାଇକ୍ରୋସଫ୍ଟ ନ୍ୟୁଜ୍ରେ ବ୍ରିଟିଶ ପପ୍ ଦଳର ଗାୟକ ଓ ବ୍ୟାଣ୍ଡ ମେମ୍ବରଙ୍କ ଫଟୋ ଅଦଳବଦଳ ହୋଇଥିବା ଦେଖାଯାଇଥିଲା । ଯେଉଁଥିପାଇଁ ଏହି କାର୍ଯ୍ୟରେ ନିୟୋଜିତ ଏଆଇର କାର୍ଯ୍ୟ କ୍ଷମତାକୁ ନେଇ ସୃଷ୍ଟି ହୋଇଛି ପ୍ରଶ୍ନ ।
ବ୍ୟାଣ୍ଡର ମେମ୍ବରମାନେ ଏଥିରୁ ଅବଗତ କି ଏହା କୌଣସି ମାନବ ସାମ୍ବାଦିକଙ୍କ କାର୍ଯ୍ୟ ନୁହେଁ । ତେଣେ ଏନେଇ ଅନ୍ୟ ଏକ ଗଣମାଧ୍ୟମରେ ଆର୍ଟିଫିସିଆଲ ଇଣ୍ଟେଲିଜେନ୍ସର ସମ୍ପୃକ୍ତି ସ୍ପଷ୍ଟ କରାଯାଇଥିଲା । ଏହି ଘଟଣା ପ୍ରଘଟ ହେବାର 10 ଦିନ ପୂର୍ବରୁ ମାଇକ୍ରୋସଫ୍ଟ କମ୍ପାନୀର 10ରୁ ଉର୍ଦ୍ଧ୍ବ କର୍ମଚାରୀଙ୍କୁ ବିତାଡିତ କରି ରୋବୋର୍ଟକୁ ବିକଳ୍ପ ଘୋଷଣା କରିଥିଲା । ତେବେ ବିଶ୍ବରେ ଚାଲିଥିବା ବର୍ଣ୍ଣବୈଷମ୍ୟ ବିରୋଧୀ ଆନ୍ଦୋଳନ ନେଇ ବ୍ରିଟିଶ ପପ୍ ଦଳ ଏକ କାର୍ଯ୍ୟକ୍ରମ ଆୟୋଜନ କରିଥିବା ବେଳେ ଏହି ଖବରକୁ ପ୍ରସାରଣ ପାଇଁ ଏଆଇ ଚୟନ କରିଥିଲା ।
କିନ୍ତୁ ଏହି ଖବରକୁ ଟ୍ରେସ କରିବା ପାଇଁ ଭୁଲବଶତଃ ଏଆଇ ଦଳର ମୁଖ୍ୟ ଗାୟିକାଙ୍କ ସହଯୋଗୀଙ୍କ ଫଟୋକୁ ବ୍ୟବାହର କରିଥିଲା । ଏହିକ୍ରମର ସମ୍ପୂର୍ଣ୍ଣ ଖବରରେ ଭୁଲ ଫଟୋ ପ୍ରସାରିତ ହୋଇଥିଲା । ଏନେଇ ସମ୍ପୃକ୍ତ ଦଳର ମୁଖ୍ୟ ଗାୟିକା ଇନଷ୍ଟାଗ୍ରାମରେ ମାଇକ୍ରୋସଫ୍ଟ ନ୍ୟୁଜ ଏମଏସଏନକୁ ଦୋଷ ଦେଇଥିଲେ । ସେପଟେ ଏସମ୍ପର୍କରେ ଜଣା ପଡିବା ପରେ ତୁରନ୍ତ ଆବଶ୍ୟକୀୟ ପଦକ୍ଷେପ ଗ୍ରହଣ କରିଥିବା ପ୍ରକାଶ କରିଛି ମାଇକ୍ରୋସଫ୍ଟ ।
@IANS
