ମାଦ୍ରିଦ: କୋରୋନା ସଂକ୍ରମଣ ଓ ମୃତ୍ୟୁର ରେକର୍ଡ ଦିନକୁ ଦିନ ବୃଦ୍ଧି ପାଉଥିବା ସମୟରେ ଅନେକ ଦେଶରୁ ଖୁସି ଖବର ଆସିବାରେ ଲାଗିଛି । ଦିନ ଥିଲା କୋରୋନା ଗଡ କୁହାଯାଉଥିବା ସ୍ପେନ ଏବେ ଧିରେ ଧିରେ କୋରୋନା ମୁକ୍ତ ହେବା ଦିଗରେ ଗତି କରୁଛି । ନିୟନ୍ତ୍ରଣହୀନ ମୃତ୍ୟୁ ସଂଖ୍ୟାରେ ଏବେ ସ୍ପେନରେ କ୍ରମାଗତ ଲଗାମ ଲାଗିବାରେ ଲାଗିଛି । ଦ୍ବିତୀୟ ଦିନ ଭାବେ କୋରୋନାଭାଇରସ୍ ମହାମାରୀ ହେତୁ ସ୍ପେନ କୌଣସି ମୃତ୍ୟୁ ରେକର୍ଡ କରିନାହିଁ । ସ୍ପେନର ସ୍ବସ୍ଥ୍ୟ, ଖାଉଟି ବ୍ୟାପାର ଏବଂ ସାମାଜିକ କଲ୍ୟାଣ ମନ୍ତ୍ରଣାଳୟ ସର୍ବଶେଷ ତଥ୍ୟ ପ୍ରକାଶ କରି ଏ ବିଷୟରେ ସୂଚନା ଦେଇଛି ।
ମନ୍ତ୍ରଣାଳୟ ମଙ୍ଗଳବାର ଦିନ ଏହି ତଥ୍ୟ ପ୍ରକାଶ କରି କହିଛି ଯେ ଦେଶରେ କୋଭିଡ -19 ସଂକ୍ରମଣ ହେତୁ 27 ହଜାର 127 ଜଣଙ୍କର ମୃତ୍ୟୁ ଘଟିଛି। ସୋମବାର ଏବଂ ରବିବାର ଦିନ ଏହି ସଂଖ୍ୟାରେ କୌଣସି ନୂତନ ସଂଖ୍ୟା ରେକର୍ଡ ହୋଇନାହିଁ ।
ସ୍ପେନର ସ୍ବାସ୍ଥ୍ୟ, ଖାଉଟି ବ୍ୟାପାର ଏବଂ ସାମାଜିକ କଲ୍ୟାଣ ମନ୍ତ୍ରଣାଳୟର କହିଛନ୍ତି ଯେ ଗତ 7 ଦିନ ମଧ୍ୟରେ ମହାମାରୀ ହେତୁ ମୋଟ 34 ଜଣଙ୍କର ମୃତ୍ୟୁ ଘଟିଛି । ଦେଶରେ ବର୍ତ୍ତମାନ କୋରୋନାଭାଇରସ୍ ମହାମାରୀରେ ସଂକ୍ରମିତ ଲୋକଙ୍କ ସଂଖ୍ୟା 2 ଲକ୍ଷ 39 ହଜାର 932 କୁ ବୃଦ୍ଧି ପାଇଛି ।
@ IANS
