ଚେକ ରିପବ୍ଲିକ: ଉତ୍ତର-ପୂର୍ବ ଚେକ୍ ରିପବ୍ଲିକରେ ଅଭାବନୀୟ ଘଟଣା । ଏକ ଆପାର୍ଟମେଣ୍ଟରେ ଅଗ୍ନିକାଣ୍ଡ ଘଟି 11 ଜଣଙ୍କ ଜୀବନ ଯାଇଛି । ଶନିବାର ଏହି ଘଟଣା ଘଟିଥିବାବେଳେ ନିଆଁକୁ ଆୟତ୍ତ କରିଥିଲା ଅଗ୍ନିଶମ ବିଭାଗ । ଏଥିସହ ଘଟଣାସ୍ଥଳରେ ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।
ପୋଲିସ କହିବାନୁସାରେ, ବୋହୁମିନ ସହରର ଏକ 13 ମହଲା ବିଶିଷ୍ଟ ଏହି ଆପାର୍ଟମେଣ୍ଟର 11 ଫ୍ଲୋରରେ ଅଗ୍ନିକାଣ୍ଡ ହୋଇଥିଲା । ଘଟଣାଟି ଅପରାହ୍ନ ସମୟରେ ହୋଇଥିଲା ।
ଅଗ୍ନିଶମର ଜଣେ କର୍ମଚାରୀ କହିଛନ୍ତି, 11 ଫ୍ଲୋରରେ ନିଆଁ ଲାଗିବା ସମୟରେ 6 ଜଣଙ୍କ ମୃତ୍ୟୁ ହୋଇଥିଲା । ସେଥିରୁ 3 ଜଣ ବୟସ୍କ ରହିଥିବାବେଳେ 3 ଜଣ ଶିଶୁ ରହିଥିଲେ । ଅନ୍ୟ 5 ଜଣଙ୍କୁ ଜୀବନ ରକ୍ଷା ପାଇଁ 12 ନମ୍ବର ଫ୍ଲୋରରୁ ଡେଇଁବା ସମୟରେ ମୃତ୍ୟୁ ହୋଇଛି । ଅଗ୍ନିକାଣ୍ଡର ଭୟାବହତା ଥିଲା ଯେ, ଜଣେ ଅଗ୍ନିଶମ କର୍ମଚାରୀ ଗୁରୁତର ଆହତ ହୋଇଛନ୍ତି ।
@ANI
