ଜେନେଭା: କୋରୋନା ଭାଇରସ ସାରା ବିଶ୍ବରେ ଏବେ ଭୟଙ୍କର ରିପୋର୍ଟ ମାନ ସାମ୍ନାକୁ ଆଣୁଛି । ଏବେ ବିଶ୍ବ ସ୍ବାସ୍ଥ୍ୟ ସଂଗଠନ (WHO) ମୁଖ୍ୟ ଟ୍ରେଡୋସ୍ ଗେବ୍ରେଏସ୍ କହିଛନ୍ତି ଯେ ସ୍ବାଇନ୍ ଫ୍ଲୁ ଅପେକ୍ଷା କୋଭିଡ -19 ମହାମାରୀର ମୃତ୍ୟୁ ହାର 10 ଗୁଣ ଅଧିକ ।
ଗୁରୁବାର ଜେନେଭାରେ କୋଭିଡ -19 ଉପରେ ଏକ ସଂକ୍ଷିପ୍ତ ବୈଠକରେ WHO ମୁଖ୍ୟ ସମ୍ବାଦ ଏଜେନ୍ସି ଜିନହୁଆଙ୍କ ଦ୍ବାରା ଉଦ୍ଧୃତ ହୋଇଛି ଯେ ଏହି ମହାମାରୀ ଦ୍ବାରା 13 ଲକ୍ଷ (1.3 ମିଲିୟନ) ରୁ ଅଧିକ ଲୋକ ସଂକ୍ରମିତ ହୋଇଛନ୍ତି ଓ 80 ହଜାର ଲୋକ ପ୍ରାଣ ହରାଇଛନ୍ତି । ସେ କହିଛନ୍ତି, ଏହି ମହାମାରୀ ସ୍ବାସ୍ଥ୍ୟ ସଙ୍କଟଠାରୁ ଅଧିକ ଅଟେ । ଏଥିପାଇଁ ସରକାର ତଥା ସମଗ୍ର ସମାଜର ସମର୍ଥନ ଆବଶ୍ୟକ ।
ସେ ଚେତାବନୀ ଦେଇ କହିଛନ୍ତି, ସବ-ନ୍ୟାସନାଲ ଏବଂ ନ୍ୟାସନାଲ ସ୍ତରରେ ଏହି ଭୂତାଣୁକୁ ରୋକିବା ପାଇଁ ସୁଯୋଗ ହାତଛଡ଼ା କରାଯାଉଛି । ଆଫ୍ରିକାରେ ସଂକ୍ରମଣ ସଂଖ୍ୟା ବର୍ତ୍ତମାନ ଅପେକ୍ଷାକୃତ କମ୍, କିନ୍ତୁ ମାମଲା ଦ୍ରୁତ ଗତିରେ ବୃଦ୍ଧି ପାଉଛି।
ଗେବ୍ରେଏସ୍ କହିଛନ୍ତି, ଯେ, ଜାତୀୟ ଏବଂ ବିଶ୍ବବ୍ୟାପୀ ଏହି ଭୂତାଣୁକୁ ରାଜନୀତି କରଣରୁ ଦୂରେଇ ରହିବା ଉଚିତ୍ । ଆମକୁ ଏକାଠି କାମ କରିବାକୁ ପଡ଼ିବ, ଏବଂ ଆମକୁ ନଷ୍ଟ କରିବାକୁ ସମୟ ନାହିଁ |
@IANSଇନପୁଟ
