ମାଦ୍ରିଦ:ସ୍ପେନରେ କୋରାନା ଭୂତାଣୁରେ ମୃତ୍ୟୁ ସଂଖ୍ୟା 767ରେ ପହଞ୍ଚିଛି । ଗତ 24 ଘଣ୍ଟା ମଧ୍ୟରେ ମୃତ୍ୟୁ ସଂଖ୍ୟାରେ 30 ପ୍ରତିଶତ ବୃଦ୍ଧି ପାଇଛି ।
ଗୁରୁବାର ସୁଦ୍ଧା ଦେଶରେ ମୋଟ 17ହଜାର 1ଶହ 47 ଜଣ ଲୋକ କରୋନାରେ ପଜିଟିଭ ଥିବାଜଣାପଡିଛି । ସେହିପରି 13 ହଜାର 7ଶହ 16 ଲୋକା ଡାକ୍ତରଖାନାରେ ଚିକିତ୍ସିତ ହେଉଥିବା ବେଳେ 1ହଜାର 1ଶହ 7ଜଣ ଲୋକ ସଂପୂର୍ଣ୍ଣ ଭାବେ ସୁସ୍ଥ ହୋଇଥିବା ସରକାରୀ ସୂତ୍ରରୁ କୁହାଯାଇଛି ।
ସ୍ପେନରେ କରୋନା ଭୂତାଣୁ ଦ୍ରୃତ ଗତିରେ ସଂକ୍ରମିତ ହେଉଥିବା ବେଳେ ଏଥିପାଇଁ ସରକାରଙ୍କ ପକ୍ଷରୁ ବିଶେଷ ବ୍ୟବସ୍ଥା କରାଯାଇଛି । ଦେଶର ସ୍ବାସ୍ଥ୍ୟ ବିଭାଗ 20 ହଜାର ରୋଗୀଙ୍କ ସହ ଫୋନରେ ପ୍ରତ୍ୟକ୍ଷ ଯୋଗାଯୋଗରେ ରହିଥିବା ପ୍ରକାଶ କରାଯାଇଛି । ସେହିପରି ଭୂତାଣୁ ଚିହ୍ନଟ ପାଇଁ ଏକାଧିକ ପାଥୋଲୋଜି ଓ କରୋନା ୱାର୍ଡ ଖୋଲାଯାଇଛି । ସରକାର ଏଥିପାଇଁ ବିଶେଷ ଯତ୍ନଶୀଳ ରହିଥିବା ସ୍ବାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି ।
@ANI
