ଲଣ୍ଡନ: ଆମେରିକା ଓ ଇଂଲଣ୍ଡରେ ଜୋର ଧରିଥିବା ବର୍ଣ୍ଣ ବୈଷମ୍ୟ ବିରୋଧୀ ଆନ୍ଦୋଳନରେ ବିକ୍ଷୋଭକାରୀମାନେ ହିତାହିତ ଜ୍ଞାନ ଭୁଲି ହିଂସାରେ ନିବୃତ୍ତ ରହିଥିବା ଦେଖିବାକୁ ମିଳିଛି । ଏହି ହିଂସାର ଶିକାର ହୋଇ ଅନେକ ସ୍ବାଧୀନତା ସଂଗ୍ରାମୀ ତଥା ନେତାଙ୍କ ପ୍ରତିମୂର୍ତ୍ତୀ ଭଙ୍ଗାଯାଇଥିବା ଖବର କାହାକୁ ଅଛପା ନୁହେଁ । ତେବେ ଏହି କ୍ରୋଧର ବଶବର୍ତ୍ତୀ ହୋଇ ବିକ୍ଷୋଭକାରୀମାନେ ବ୍ରିଟିଶ ଯୁଦ୍ଧର ମହାନାୟକ ୱିନଷ୍ଟନ ଚର୍ଚ୍ଚିଲଙ୍କ ପ୍ରତିମୂର୍ତ୍ତୀ ମଧ୍ୟ ଭଙ୍ଗାଯାଇଥିବା ଦେଖାଯାଇଥିଲା ।
ତେବେ ପ୍ରତିମୂର୍ତ୍ତୀକୁ ବିକ୍ଷୋଭକାରୀଙ୍କଠାରୁ ସୁରକ୍ଷା ପ୍ରଦାନ କରିବା ପାଇଁ ପରବର୍ତ୍ତୀ ସମୟରେ ଅନ୍ୟତ୍ର ସ୍ଥାନାନ୍ତର କରାଯାଇଥିଲା । ହେଲେ ଚର୍ଚ୍ଚିଲଙ୍କ ପାଇଁ ଏହା ଯଥେଷ୍ଟ ନୁହେଁ ବୋଲି ମତ ଦେଇଛନ୍ତି ତାଙ୍କ ନାତୁଣୀ ଏମ୍ମା ସୋଏମ୍ସ । ସେ ଏନେଇ ପ୍ରତିକ୍ରିୟା ଦେଇ କହିଥିଲେ କି ଚର୍ଚ୍ଚିଲ ସ୍ବଭାବରେ ଜଣେ ଜଟିଳ ମଣିଷ ହୋଇଥିଲେ ମଧ୍ୟ ସେ ଅନେକଙ୍କ ପାଇଁ ହିରୋ ଥିଲେ । ହେଲେ ବିକ୍ଷୋଭ ପାଇଁ ଚର୍ଚ୍ଚିଲଙ୍କ ପ୍ରତିମୂର୍ତ୍ତୀକୁ ଅନ୍ୟତ୍ର ସ୍ଥାନାନ୍ତର ଖବର ତାଙ୍କୁ ଦୁଃଖିତ କରିଥିଲା । ଏହାର କାରଣ ଜାଣିଥିଲେ ବି ସୋଏମ୍ସ ଚର୍ଚ୍ଚିଲଙ୍କ ପ୍ରତିମୂର୍ତ୍ତୀର ଅଧିକ ସୁରକ୍ଷା ପାଇଁ ଦାବି କରିଛନ୍ତି ।
ଏଥିପାଇଁ ଚର୍ଚ୍ଚିଲଙ୍କ ପ୍ରତିମୂର୍ତ୍ତୀକୁ ମ୍ୟୁଜିୟମରେ ରଖିବା ପାଇଁ ସେ ଦାବି କରିଛନ୍ତି । ଏନେଇ ଲଣ୍ଡନ ମେୟର ସାଦିକ ଖାନ କହିଛନ୍ତି କି ବିକ୍ଷୋଭକାରୀଙ୍କ କ୍ରୋଧରୁ ଚର୍ଚ୍ଚିଲ ଓ ନେଲସନ ମାଣ୍ଡେଲାଙ୍କ ପରି ମହାନାୟକଙ୍କ ସୁରକ୍ଷା ପ୍ରଦାନ କରିବା ଅତି ଗୁରୁତ୍ବପୂର୍ଣ୍ଣ ବିଷୟ । ତେଣୁ ଖୁବଶୀଘ୍ର ଏମାନଙ୍କ ପ୍ରତିମବର୍ତ୍ତୀକୁ ମ୍ୟୁଜିଅମକୁ ସ୍ଥାନାନ୍ତର କରାଯିବାର ଆବଶ୍ୟକତା ରହିଛି ।
@IANS
