ଲଣ୍ଡନ: କୋରୋନା ସଂକ୍ରମଣ ପାଇଁ ସାରା ବିଶ୍ବରେ ନାନା ଅସୁବିଧା ସୃଷ୍ଟି ହୋଇଥିବା ବେଳେ ବର୍ତ୍ତମାନ ମୁଖ୍ୟ ସମସ୍ୟା ପାଲଟିଛି ଅର୍ଥନୈତିକ ଅଧୋଗତି । ଏମିତିରେ ବ୍ରିଟେନର 13 ବିଶ୍ବ ବିଦ୍ୟାଳୟ ଶିକ୍ଷା ବ୍ୟବସାୟ ପୁଣି ସ୍ବାଭାବିକ କରିବା ପାଇଁ ଚିନ୍ତା କରୁଥିବା ବେଳେ ଏଥିରେ ବାଧକ ସାଜିଛି ଅର୍ଥ । ଏଥିପାଇଁ ସରକାରୀ ସହାୟତାକୁ ଚାହିଁ ବସିଛନ୍ତି ସମସ୍ତ ବିଶ୍ବବିଦ୍ୟାଳୟ । ସେପଟେ ସରକାର ଯଦି ସାହାଯ୍ୟ ନକରନ୍ତି ତେବେ ଆଗକୁ ଅସୁବିଧା ବଢିବା ସହ ନିଜ ବ୍ୟବସାୟ ବନ୍ଦ କରିବାକୁ ପଡିପାରେ ବୋଲି ଆଶଙ୍କା ପ୍ରକାଶ କରିଛନ୍ତି ସମ୍ପୃକ୍ତ ବିଶ୍ବବିଦ୍ୟାଳୟ କର୍ତ୍ତୃପକ୍ଷ ।
ଏହି ବିଶ୍ବବିଦ୍ୟାଳୟମାନଙ୍କ ମଧ୍ୟରେ ସାମାନ୍ୟ ସ୍ବଚ୍ଛଳ ବିଶ୍ବବିଦ୍ୟାଳୟଗୁଡିକ ପାଇଁ ମୁଖ୍ୟତଃ ରୋଜଗାରର ପନ୍ଥା ହେଉଛନ୍ତି ବିଦେଶୀ ଛାତ୍ରଛାତ୍ରୀ । ହେଲେ କୋରୋନା ସଂକ୍ରମଣ ପାଇଁ ହଷ୍ଟେଲ ଖାଲି କରିବା ସହ ସ୍କୁଲ ଓ କଲେଜ ବନ୍ଦ ନିଷ୍ପତ୍ତି ପରେ ସ୍ବଦେଶ ଫେରିଯାଇଛନ୍ତି ଛାତ୍ରଛାତ୍ରୀ । ବର୍ତ୍ତମାନର ପରିସ୍ଥିତି ଓ ଲାଗୁ ହୋଇଥିବା କଟକଣା ମଧ୍ୟରେ ଏହି ଛାତ୍ରଛାତ୍ରୀମାନଙ୍କ ବିଶ୍ବବିଦ୍ୟାଳୟକୁ ଫେରିବା ଆଶଙ୍କା ଶୂନ ପ୍ରାୟ କହିଲେ ଚଳେ । ଏମିତିରେ ବିଶ୍ବବିଦ୍ୟାଳୟରେ ଦେଖାଦେଇଛି ଭୟଙ୍କର ଆର୍ଥିକ ଅସୁବିଧା ।
ବଡ ବଡ ବିଶ୍ବବିଦ୍ୟାଳୟର ଏପରି ଅବସ୍ଥା ହୋଇଥିବା ବେଳେ ମଧ୍ୟବିତ୍ତ ବିଶ୍ବବିଦ୍ୟାଳୟର ଅବସ୍ଥା ନକହିବା ଭଲ । କେବଳ ବିଶ୍ବବିଦ୍ୟାଳୟ ନୁହେଁ ୟୁକେର ସମସ୍ତ ଉଚ୍ଚ ପ୍ରାଥମିକ ବିଦ୍ୟାଳୟରେ ମଧ୍ୟ ଆର୍ଥିକ ଅନଟନ ପରି ସ୍ଥିତି ସୃଷ୍ଟି ହୋଇଛି । ଏନେଇ ସୂଚନା ଦେଇଛନ୍ତି ଇନଷ୍ଟିଚ୍ୟୁଟ ଫର ଫିସ୍କାଲ ଷ୍ଟଡିସ(ଆଇଏଫଏସ) । ଏହା ଦ୍ବାରା ପ୍ରକାଶିତ ରିପୋର୍ଟ ମୁତାବକ ଉଚ୍ଚ ଶିକ୍ଷା ବିଭାଗରେ ବର୍ତ୍ତମାନ ସୁଦ୍ଧା 3 ବିଲିୟନରୁ 19 ବିଲିୟନର କ୍ଷତି ସହିବାକୁ ପଡିଛି । ତେଣୁ ଯଦି ସରକାର ଏ ଦିଗରେ ଦୃଷ୍ଟି ନ ଦିଅନ୍ତି ତେବେ ଆଗକୁ ସ୍ଥିତି ଅଧିକ ଗୁରୁତର ହେବ ବୋଲି ଆଶଙ୍କା ପ୍ରକାଶ ପାଇଛି ।
@IANS
