ଟୋକିଓ: ବିଗତ 2 ମାସ ହେବ କୋରୋନା କବଳରେ ସାରା ବିଶ୍ବରେ ଅଚଳାବସ୍ଥା । ମାତ୍ର କେଇ ଦିନ ମଧ୍ୟରେ ଏହି ମହାମାରୀ ବିଶ୍ବର କୋଣ ଅନୁକୋଣରେ ପହଞ୍ଚିଥିବା ବେଳେ ଏହାକୁ ରୋକିବା ପାଇଁ ବିଶ୍ବ ଚଳାଇଛି ଆପ୍ରାଣ ଉଦ୍ୟମ । ଗୋଟିଏ ପଟେ ଅନିର୍ଦ୍ଧିଷ୍ଟ କାଳ ପାଇଁ ଦୋକାନ ବଜାର ବନ୍ଦ ତ ଅନ୍ୟପଟେ ଅଟକି ଯଆଇଛି ସାଧାରଣ ଜୀବନ ଯାତ୍ରା । ହେଲେ ଏବେ ସମୟ ସହ ଏହି ନିୟମ କାନୁନକୁ କୋହଳ କରିବା ପାଇଁ ବଢିବାରେ ଲାଗିଛି ଚାପ ।
ଜାପାନର କିଛି ସ୍ଥାନରେ ବର୍ତ୍ତମାନ ସଂକ୍ରମଣର ମାତ୍ରା କମିବାରେ ଲାଗିଥିବା ବେଳେ ଲୋକେ ଘରେ ନବସି କର୍ମକ୍ଷେତ୍ରରେ ଯୋଗ ଦେବାକୁ ଚାହୁଁଛନ୍ତି । ସେପଟେ ଏତେ ଦିନ କାମ ବନ୍ଦ ପାଇଁ ଦେଶର ଆର୍ଥିକ ଅବସ୍ଥାକୁ ମଧ୍ୟ ଭୋଗିବାକୁ ପଡିଛି ଅନେକ କ୍ଷତି । ଯାହା ତୃଣମୂଳସ୍ତରରେ ଲୋକଙ୍କୁ ଅନେକ ପ୍ରଭାବିତ କରିଥିବା ଦେଖିବାକୁ ମିଳିଛି । ଫଳ ସୂରୂପ ଏବେ ଘରୁ ବାହାରିବା ପାଇଁ ଲୋକଙ୍କ ମଧ୍ୟରେ ଏକ ପ୍ରକାର ଉତ୍ସୁକତା ରହିଥିବା ଦେଖାଯାଉଛି ।
କେବଳ ଯେ ଜାପାନରେ ଏହି ଅବସ୍ଥା ହୋଇଛି ତାହା ନୁହେଁ , ବିଶ୍ବର ଅନେକ କୋରୋନା ପ୍ରଭାବିତ ୟୁରୋପୀୟ ରାଷ୍ଟ୍ର ମଧ୍ୟ ଏହି ରାସ୍ତାରେ ଆଗଭର । ସ୍ପେନରେ କୋରୋନା ନିଜ ତାଣ୍ଡବ ଲୀଳା ରଚୁଥିବା ବେଳେ ଏହାକୁ ବାଡ ଦେଇ କେତେକ ସ୍ଥାନ ସୋମବାରଠାରୁ ପ୍ରାଥମିକ ସ୍ତରରେ କୋହଳ ହୋଇଛି ଲକଡାଉନ ନିୟମ।
ଦକ୍ଷିଣ କୋରିଆରେ ମଧ୍ୟ ଦେଖିବାକୁ ମିଳିଛି ସମାନ ପରିସ୍ଥିତି । ପ୍ରାଥମିକ ସ୍ତରରେ ଲୋକଙ୍କୁ ଘରୁ ବାହାରି କାର୍ଯ୍ୟରେ ଯୋଗ ଦେବା ପାଇଁ ନିଆଯାଉଛି ପଦକ୍ଷେପ ।
