ବେଜିଂ: କୋରୋନାର ଆତଙ୍କ ସାରା ବିଶ୍ବରେ ପହଞ୍ଚାଇବା ପରେ ଏକପ୍ରକାର ସ୍ଥିର ହୋଇଛି ଚୀନ । ଦିନକୁ ଦିନ କମୁଛି ଆକ୍ରାନ୍ତଙ୍କ ସଂଖ୍ୟା । କୋରୋନାର ଉତ୍ପତ୍ତିସ୍ଥଳ କୁହାଯାଉଥିବା ଉହାନରେ ମଧ୍ୟ କମିଛି ଆକ୍ରାନ୍ତଙ୍କ ସଂଖ୍ୟା । ସୋମବାର ଏଠାରେ ମାତ୍ର 38 ଆକ୍ରାନ୍ତ ଚିହ୍ନଟ ହୋଇଥିବା ବେଳେ ମଙ୍ଗଳବାର ଚିହ୍ନଟ ହୋଇଛନ୍ତି ମାତ୍ର 32ଟି ମାମଲା ।
ସେପଟେ ହୁବେଇରେ ଗତ 14 ଦିନରେ ମାତ୍ର 2ଟି ପଜିଟିଭ ମାମଲା ସାମ୍ନାକୁ ଆସିଛି । ଏହାର ଏକ ବଡ କାରଣ ହେଉଛି ଲକଡାଉନ ପରେ ଗତ ବୁଧବାର ଅର୍ଥାତ ଏପ୍ରିଲ 1ରେ ସହରରୁ ଯିବା ପାଇଁ ଲୋକଙ୍କୁ ଅନୁମତି ଦିଆଯାଇଥିଲା । ଅନ୍ୟପଟେ ବିଦେଶୀଙ୍କ ପାଇଁ ମଧ୍ୟ ସମସ୍ତ ରାସ୍ତା ବନ୍ଦ କରିଛନ୍ତି ସରକାର । କାରଣ ବିଗତ କିଛି ଦିନ ମଧ୍ୟରେ ଚିହ୍ନଟ ଆକ୍ରାନ୍ତମାନେ ମୁଖ୍ୟତଃ ବିଦେଶରୁ ଆସିଥିବା ଦେଖାଯାଇଥିଲା । ତେଣୁ ଏହି ସଂଖ୍ୟାକୁ ରୋକିବା ପାଇଁ ବିଦେଶୀଙ୍କ ପାଇଁ ସମସ୍ତ ରାସ୍ତା ବନ୍ଦ କରିଛନ୍ତି ସରକାର ।
ଏ ଭିତରେ ଉହାନରେ ଗତ 24 ଘଣ୍ଟା ମଧ୍ୟରେ ଗୋଟିଏ ବି ମୃତ୍ୟୁ ହୋଇନଥିବା ରିପୋର୍ଟରୁ ପ୍ରକାଶ ପାଇଛି । ଯାହା କୋରୋନା ବିରୋଧରେ ଏକ ବଡ ସଫଳତା କୁହାଯାଇପାରେ । ଦେଖିବା ବାକି ରହିଲା କେବେ ସାରା ବିଶ୍ବ ଏହି ମୃତ୍ୟୁର ତାଣ୍ଡବରୁ ନିଜକୁ ସୁରକ୍ଷିତ ବାହାର କରିପାରୁଛି ଓ ମାନବଜାତିର ଉଦ୍ଧାର ହେଉଛି ।
