ବେଜିଂ: ପ୍ରଥମେ କୋରୋନା ସଂକ୍ରମଣରୁ ସାରା ବିଶ୍ବର ନିଦ ହଜାଇବା ପରେ ଏବେ ଏହି ସଂକ୍ରମଣକୁ ରୋକିବା ଓ ଏଥିରୁ ରକ୍ଷା ପାଇଁ ଉପାୟ ବତାଉଛି ଚୀନ । ନିକଟରେ ବିଏମଜେ ଗ୍ଲୋବାଲ ହେଲଥରେ ପ୍ରକାଶ ହୋଇଥିଲା କି ଯଦି ଘରମାନଙ୍କରେ ସଭିଏଁ ଫେସ ମାସ୍କର ଦୈନନ୍ଦିନ ବ୍ୟବହାର କରନ୍ତି ତେବେ କୋରୋନା ସଂକ୍ରମଣର ମାତ୍ରା 79 ପ୍ରତିଶତ ହ୍ରାସ ପାଇବ । ଏନେଇ ବେଜିଂର 124 ପରିବାରରୁ 460 ଜଣ ଲୋକଙ୍କ ପଚରାଯିବାରୁ ସ୍ପଷ୍ଟ ହୋଇଛି କି ବିନା ମାସ୍କ ଓ ମାସ୍କ ସହିତ ସେମାନେ ପରିବର୍ତ୍ତନ ଅନୁଭବ କରିଛନ୍ତି ।
ଯଦି କୌଣସି ପରିବାରରେ କେହି ଜଣେ ସଦସ୍ୟଙ୍କଠାରେ କୋରୋନାର ଲକ୍ଷଣ ଆରମ୍ଭ ହୁଏ ତେବେ ସେହି ପରିବାରର ଲୋକେ ତୁରନ୍ତ ମାସ୍କ ବ୍ୟବହାର କରିବା ପାଇଁ ଚୀନ ପରାମର୍ଶ ଦେଇଛି । ଏହାଦ୍ବାରା ସଂକ୍ରମଣକୁ ରୋକାଯାଇପାରିବ । ହେଲେ ଯଦି ପରିବାରର ଜନୈକ ବ୍ୟକ୍ତିଙ୍କ ପାଖରେ କୋରୋନାର ଲକ୍ଷଣ ସ୍ପଷ୍ଟ ହୁଏ, ଏହାପରେ ସୁରକ୍ଷା ପାଇଁ ମାସ୍କର ବ୍ୟବହାର କଲେ କୌଣସି ପରିବର୍ତ୍ତନ ହେବ ନାହିଁ । ଏହାପରେ ସଂକ୍ରମଣକୁ ରୋକାଯାଇନପାରେ ।
ତେବେ ଏହି ପରୀକ୍ଷଣରୁ ଦେଖାଯାଇଥିଲା 36 ପ୍ରତିଶତ ଶିଶୁ ବିନା ମାସ୍କ ଦ୍ବାରା ସଂକ୍ରମିତ ହୋଇଥିବା ବେଳେ 69.5 ପ୍ରତିଶତ ଯୁବପୀଢି ସଂକ୍ରମିତ ହେଉଛନ୍ତି । ଶିଶୁମାନଙ୍କରେ କ୍ଷେତ୍ରରେ ସାମାନ୍ୟ ଲକ୍ଷ୍ୟଣ ଦେଖାଯାଉଥିବା ବେଳେ ଯୁବପୀଢିଙ୍କ କ୍ଷେତ୍ରରେ 10 ଜଣଙ୍କ ମଧ୍ୟରେ ଜଣଙ୍କ ପାଖରେ ଭୟଙ୍କର ଲକ୍ଷଣ ଦେଖାଯିବା ସହ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି । ସେପଟେ ମାସ୍କର ବ୍ୟବହାର ପରେ ଦେଖିବାକୁ ମିଳିଥିଲା କିଛି ସକାରାତ୍ମକ ଫଳାଫଳ । 79 ପ୍ରତିଶତ ଲୋକେ ସଂକ୍ରମଣର ଅନେକ ସମୟ ପୂର୍ବରୁ ମାସ୍କ ବ୍ୟବହାର କରି ବର୍ତ୍ତମାନ ସୁରକ୍ଷିତ ରହିଥିବା ବେଳେ ମାସ୍କ ବ୍ୟବହାର ନକରି ଆକ୍ରାନ୍ତ ହୋଇଛନ୍ତି 77 ପ୍ରତିଶତ ଲୋକେ ।
@IANS
