ନୂଆଦିଲ୍ଲୀ: କୋଭିଡ୍ ଯୁଦ୍ଧରେ ଆଗଧାଡିରେ କାର୍ଯ୍ୟକରୁଥିବା ସେବାରତଙ୍କ ସେବା ଅତୁଳନୀୟ। ଦିବାରାତ୍ର ଏକ କରି କାମ କରୁଥିବା ସ୍ବାସ୍ଥ୍ୟକର୍ମୀଙ୍କୁ ଉତ୍ସାହିତ କରିବାକୁ ବ୍ରିଟେନରେ ଆରମ୍ଭ ହୋଇଛି କ୍ଲାପ୍ ଫର୍ ଆୱାର କେୟାରର୍ସ କ୍ୟାମ୍ପେନ । ଏହି କ୍ୟାମ୍ପେନ ଦୀର୍ଘ 8 ସପ୍ତାହ ଧରି କାର୍ଯ୍ୟକାରୀ ହେଉଥିବା ବେଳେ ଏଥିରେ ବ୍ରିଟେନର ଅନେକ ମନ୍ତ୍ରୀ, ଦେଶର ରାଜ ପରିବାର ସଦସ୍ୟ ଏବଂ ସେଲିବ୍ରିଟିଙ୍କ ଅଂଶଗ୍ରହଣ ମଧ୍ୟ ଦେଖିବାକୁ ମିଳିଛି।
ତେବେ ଗୁରୁବାର ଦିନ, ବ୍ରିଟେନର ପ୍ରଧାନମନ୍ତ୍ରୀ ବୋରିସ୍ ଜନସନ, ଯିଏ ନିଜେ ଏପ୍ରିଲ୍ 2020 ରେ କୋଭିଡ୍19 ରେ ସଂକ୍ରମିତ ହୋଇଥିଲେ ଏବଂ ସେ ସୁସ୍ଥ ହୋଇ ଫେରି ସାରିଛନ୍ତି। ତେବେ ନିଜର ଅସୁସ୍ଥତା ସମୟରେ ସ୍ବାସ୍ଥ୍ୟକର୍ମୀଙ୍କ ସେବାକୁ ମନେ ପକାଇ ବୋରିସ୍ ତାଳି ମାରି ସେବାରତଙ୍କୁ ଉତ୍ସାହିତ କରିଛନ୍ତି।
ବୋରିସ ନିଜ ମାଇକ୍ରୋବ୍ଲଗିଂ ସାଇଟ୍ ଟ୍ୱିଟରରେ ଏକ ଭିଡିଓ ପୋଷ୍ଟ କରିଛନ୍ତି ଯେଉଁଠାରେ ତାଙ୍କୁ ତାଙ୍କ ଅଫିସିଆଲ୍ ବାସଭବନ ବାହାରେ କରତାଳି ମାରୁଥିବାର ଦେଖାଯାଇଛି। ସେ ଲେଖିଛନ୍ତି, " ସେହି ୱାଣ୍ଡରଫୁଲ୍ ଲୋକଙ୍କୁ ଧନ୍ୟବାଦ, ଯେଉଁମାନେ ଆମ ଅସୁବିଧା ସମୟରେ ସମସ୍ତଙ୍କ ଯତ୍ନ ନେଉଛନ୍ତି। ଆଜି ରାତିରେ ଆମେ ଆପଣ ସମସ୍ତଙ୍କ ପାଇଁ କରତାଳି ଦେଇଛୁ। # ଧନ୍ୟବାଦ YNHS #ClapForCarers।"
'କ୍ଲାପ୍ ଫର୍ ଆମ କେୟାରର୍ସ' ଅଭିଯାନ କେବଳ ବ୍ରିଟେନ ନୁହେଁ ସାରା ଦେଶରେ କାର୍ଯ୍ୟରତ। ଜାତୀୟ ସ୍ୱାସ୍ଥ୍ୟ ସେବା କର୍ମଚାରୀ ଯଥା, ଡାକ୍ତର, ନର୍ସ ଓ ଅନ୍ୟାନ୍ୟ ସ୍ୱାସ୍ଥ୍ୟକର୍ମୀଙ୍କୁ କୋରୋନାଭାଇରସ୍ ମହାମାରୀ ବିରୋଧରେ ଲଢେଇକୁ ଏଥିରେ ପ୍ରଶଂସା କରାଯାଉଛି।
ମାର୍ଚ୍ଚ 26 ରେ ଏହି କାର୍ଯ୍ୟକ୍ରମ ଆରମ୍ଭ ହୋଇଥିଲା ଏବଂ ସୋସିଆଲ ମିଡିଆରେ ଝଡ ସୃଷ୍ଟି କରିଥିଲା। ବର୍ତ୍ତମାନ ଏହା ପ୍ରତ୍ୟେକ ଗୁରୁବାର ରାତି 8 ଟାରେ କରାଯାଉଛି। ଯଦିଓ ୟୁନାଇଟେଡ୍ କିଙ୍ଗଣ୍ଡମରେ କୋରୋନାଭାଇରସ୍ ମହାମାରୀ ବିସ୍ତାର ଦିନକୁ ଦିନ ବଢିଚାଲିଛି ତଥାପି ଏହି ଧାରା ବଜାୟ ରହିବ। ଏବେ ସୁଦ୍ଧା ବ୍ରିଟେନରେ ପ୍ରାୟ 2,33,151 ସଂକ୍ରମଣ ମାମଲା ରହିଛି ଏବଂ ମୃତ୍ୟୁସଂଖ୍ୟା 33,614 ରେ ରହିଛି।
