କାବୁଲ: ଆଫଗାନିସ୍ତାନରେ ଫେରିଛି ତାଲିବାନ ରାଜ । ଆତଙ୍କୀଙ୍କ ଆଗରେ ଆତ୍ମସମର୍ପଣ କରିଦେଇଛନ୍ତି ଆଫଗାନ ସରକାର । ବନ୍ଧୁକ ମୁନରେ ଆରମ୍ଭ ହୋଇଛି ଶାସନ । କ୍ଷମତା ହସ୍ତାନ୍ତର ପରେ ଦେଶ ଛାଡି ଫଳାଇଛନ୍ତି ରାଷ୍ଟ୍ରପତି ଅସରଫ ଘନି । ସେପଟେ ଘନିଙ୍କ ପଳାୟନ ପରେ ରାଷ୍ଟ୍ରପତି ଭବନ କବଜା କରିଛି ତାଲିବାନ ।
ତାଲିବାନ ପାଦ ଦେବା ପରେ କାବୁଲରେ ଭୟର ବାତାବରଣ ରହିଛି । ସେପଟେ କାବୁଲ ବିମାନବନ୍ଦରରେ ଗୁଳି ଫୁଟିଥିବା କୁହାଯାଉଛି । କାବୁଲ ଭିତରକୁ ପ୍ରବେଶ କରିସାରିଛନ୍ତି ତାଲିବାନ ଆତଙ୍କୀ ।
କାବୁଲରେ ସୁରକ୍ଷା ବ୍ୟବସ୍ଥାର ସ୍ଥିତି ଦ୍ରୁତ ଗତିରେ ବଦଳୁଛି । ତାଲିବାନର ପ୍ରବେଶ ପରେ କାବୁଲ ବିମାନବନ୍ଦରରେ ଗୁଳି ଫୁଟିବା କାରଣରୁ ଅଗ୍ନିକାଣ୍ଡ ଖବର ସାମ୍ନାକୁ ଆସୁଛି ।
