କାବୁଲ: ତାଲିବାନ୍ କମାଣ୍ଡର କ୍ବାରି ସଇଫୁଲ୍ଲା ମେହସୁଦ୍ ନିହତ । ପାକିସ୍ତାନର ସଇଫୁଲ୍ଲା ଆଫଗାନିସ୍ତାନରେ ନିହତ ହୋଇଛି । ଜଣେ ବନ୍ଧୁକଧାରୀର ଗୁଳି ମାଡ଼ରେ ସେ ନିହତ ହୋଇଥିବା ଜଣାପଡ଼ିଛି । ଖୋଷ୍ଟ୍ ପ୍ରଦେଶର ଗୁଲୋନ୍ କ୍ୟାମ୍ପ୍ ବାହାରେ ତାଙ୍କୁ ଗୁଳି କରାଯାଇଛି ।
ଏହି ଆକ୍ରମଣ ହାକ୍କିନି ଗୋଷ୍ଠୀ ନିର୍ଦ୍ଦେଶରେ କରାଯାଇଥିବା ତାଲିବାନ ପକ୍ଷରୁ ସୂଚନା ଦିଆଯାଇଛି । ସଇଫୁଲା ତେହରିକ୍-ଇ-ତାଲିବାନ୍ ପାକିସ୍ତାନର କମାଣ୍ଡର ଭାବେ ନିଯୁକ୍ତ ଥିଲେ । ପୂର୍ବରୁ ତେହରିକ୍-ଇ-ତାଲିବାନ୍ ପାକିସ୍ତାନର ୩ ଜଣ ସଦସ୍ୟଙ୍କୁ ହାକ୍କିନି ଗୋଷ୍ଠୀ ପକ୍ଷରୁ ହତ୍ୟା କରାଯାଇଥିଲା । ସୂଚନାଯୋଗ୍ୟ ଚଳିତ ବର୍ଷ ତେହରିକ୍-ଇ-ତାଲିବାନ୍ ପାକିସ୍ତାନ ଦ୍ୱାରା ୭୫ଟି ଆତଙ୍କବାଦୀ ଆକ୍ରମଣ ଘଟଣା ଘଟିଥିବା ଏକ ଅଡ଼ିଓ ମେସେଜ୍ରେ କିଛି ଦିନ ତଳେ ସଇଫୁଲ୍ଲା ସୂଚନା ଦେଇଥିଲେ ।
