କଲମ୍ବୋ: ମାର୍ଚ୍ଚ ମାସରେ ଦେଶରେ ପ୍ରଥମ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ବର୍ତ୍ତମାନ ସୁଦ୍ଧା ଦେଶରେ ଆକ୍ରାନ୍ତ ସଂଖ୍ୟା 1950ରେ ପହଞ୍ଚିଛି । ଏଥିରୁ ଗତ 24 ଘଣ୍ଟା ମଧ୍ୟରେ 28 ଜଣ ସୁସ୍ଥ ହୋଇ ଘରକୁ ଫେରିବା ସହ ଦେଶରେ ମୋଟ ସୁସ୍ଥ ସଂଖ୍ୟା 1526ରେ ପହଞ୍ଚିଛି । ସେପଟେ ମାତ୍ର 424ଟି ମାମଲା ବର୍ତ୍ତମାନ ସକ୍ରିୟ ରହିଥିବା ସୂଚନା ଦେଇଛି ସ୍ବାସ୍ଥ୍ୟ ମନ୍ତ୍ରଣାଳୟ ।
ଦେଶରେ କୋରୋନା ବିରୋଧରେ ଲଢେଇ ଜାରି ରହିଥିବା ବେଳେ ଏଥିରେ ମିଳିଥିବା ସଫଳତା ଦେଶବାସୀଙ୍କୁ ଉତ୍ସାହିତ କରିଛି । ସେପଟେ ସଂକ୍ରମଣରୁ ରକ୍ଷା ପାଇଁ ଦେଶରେ ଲାଗୁ କଟକଣା ସବୁକୁ ପାଳନ କରି ଦେଶବାସୀ ଭରପୂର ସହଯୋଗ କରିଥିବା ସରକାର ପ୍ରକାଶ କରିଛନ୍ତି । ବର୍ତ୍ତମାନ ସୁଦ୍ଧା ଦେଶରେ 11 ଜଣଙ୍କର କୋରୋନାରେ ମୃତ୍ୟୁ ହୋଇଥିବା ସୂଚନା ରହିଛି ।
ଗତ ସପ୍ତାହ ଶ୍ରୀଲଙ୍କା ସରକାର ସ୍ପଷ୍ଟତ କରିଥିଲେ କି ଦେଶରେ ସାମ୍ପ୍ରଦାୟିକ ସଂକ୍ରମଣର କୌଣସି ସୂଚନା ନାହିଁ । ଏପ୍ରିଲ 30ରୁ ଏନେଇ କୌଣସି ତଥ୍ୟ ନଥିଲେ ମଧ୍ୟ ଦେଶବାସୀଙ୍କୁ ଜାରି ରହିଥିବା କଟକଣାର ପାଳନ କରିବାକୁ ହେବ । ସଂକ୍ରମଣରୁ ରକ୍ଷା ପାଇଁ ଅନ୍ୟ ଦେଶଙ୍କ ପରି ଶ୍ରୀଲଙ୍କାରେ ମଧ୍ୟ ଫେସ ମାସ୍କ ଓ ସାମାଜିକ ଦୂରତ୍ବ ନିୟମକୁ କଡାକଡି ଭାବେ ଲାଗୁ କରାଯାଇଛି ।
କଟକଣାର କଡାକଡି ପାଳନ ଓ ସଫଳ ଚିକିତ୍ସା ଯୋଗୁଁ ଦେଶ ଧିରେ ଧିରେ ସ୍ବାଭାବିକ ସ୍ଥିତକୁ ଫେରୁଥିବା ଦେଖାଯାଉଛି । ସେପଟେ ଦୁଇ ମାସର ବିରତି ପରେ ରାଜଧାନୀ କଲମ୍ବୋରେ ମେ’ ମାସରୁ ଅର୍ଥନୈତିକ କାରବାର ପୁଣି ସ୍ବାଭାବିକ ହୋଇଛି ।
@IANS
