ଋଣଭାରରେ ବୁଡିଛି ପାକିସ୍ତାନ, ଅତିଥିଙ୍କୁ ଦେଉଛି ସୁନାର ବନ୍ଧୁକ

ନିକଟରେ ପାକିସ୍ତାନ ସାଂସଦ, ସାଉଦି ଆରବର ପ୍ରିନ୍ସଙ୍କୁ ଗୋଲ୍ଡ ପ୍ଲେଟ୍ ଗନ୍ ଉପହାର ଦେଇଛନ୍ତି । ଏହି ଉପହାର ପ୍ରଧାନମନ୍ତ୍ରୀଙ୍କ ସାମ୍ନାରେ ତାଙ୍କ ଘର ଭିତରେ ହିଁ ଦିଆଯାଇଥିଲା ।

ଇସଲାମାବାଦ: ଏହା ସମସ୍ତଙ୍କୁ ଜଣା ଯେ ପାକିସ୍ତାନର ଆର୍ଥିତ ସ୍ଥିତ କେତେ ଖରାପ । ଏହାପରେ ମଧ୍ୟ ପାକିସ୍ତାନ ପ୍ରାଧାନମନ୍ତ୍ରୀ ଇମ୍ରାନ ଖାନ୍ ଅତିଥି ସତ୍କାର କରିବାରେ ପଛଘୁଞ୍ଚା ଦେଉନାହାନ୍ତି । ନିକଟରେ ପାକିସ୍ତାନ ସାଂସଦ, ସାଉଦି ଆରବର ପ୍ରିନ୍ସଙ୍କୁ ଗୋଲ୍ଡ ପ୍ଲେଟ୍ ଗନ୍ ଉପହାର ଦେଇଛନ୍ତି । ଏହି ଉପହାର ପ୍ରଧାନମନ୍ତ୍ରୀଙ୍କ ସାମ୍ନାରେ ତାଙ୍କ ଘର ଭିତରେ ହିଁ ଦିଆଯାଇଥିଲା ।

ତେବେ ସଂସଦରେ ଏକ ଡେଲିଗେସନ୍, ସିନେଟ୍ ଚେୟାରମ୍ୟାନ୍ ସାଦିକ ସଞ୍ଜରାନିଙ୍କ ନେତୃତ୍ୱରେ ସାଉଦି ରାଜକୁମାରଙ୍କୁ ପ୍ରଧାନମନ୍ତ୍ରୀଙ୍କ ଆବାସକୁ ନିମନ୍ତ୍ରଣ କରିଥିଲେ । ଏଠାରେ ପ୍ରିନ୍ସଙ୍କ ସ୍ୱାଗତ ଖୁବ୍ ଜୋରସୋରରେ କରାଯାଇଥିଲା ।

ଅନ୍ୟପଟେ ପାକିସ୍ତାନୀ ସାଂସଦ ସାଉଦି ଆରବର ରାଜକୁମାର ମହମ୍ମଦ ବିନ୍ ସଲମାନଙ୍କୁ ସୁନାରେ ନିର୍ମିତ ଗୋଲ୍ଡ ପ୍ଲେଡ୍ ମେପି-5 ଉପହାର ଦେଇଥିଲେ । ଯାହାକୁ ନେଇ ଏବେ ଚର୍ଚ୍ଚା ଜୋର ଧରିଛି । ଏହାସହ ସେ ରାଜକୁମାରଙ୍କୁ ଏକ ତୈଳଚିତ୍ର ମଧ୍ୟ ପ୍ରଦାନ କରିଥିଲେ । ବନ୍ଧୁକ ସହ ସୁନାର ଗୁଳି ମଧ୍ୟ ଉପହାର ସଦୃଶ୍ୟ ପ୍ରଦାନ କରାଯାଇଥିଲା ।

ଏଠାରେ ସୂଚନାଯୋଗ୍ୟ ଯେ, ସାଉଦ ଆରବର ପ୍ରିନ୍ସ ମହମ୍ମଦ ବିନ୍ ସଲମାନ୍ ରବିବାର ପାକିସ୍ତାନର ରାଜଧାନୀ ଇସଲାମାବାଦରେ ପହଞ୍ଚିଥିଲେ । ତେବେ ଏହା ପୂର୍ବରୁ ମଧ୍ୟ ଯେତେବେଳେ ଇମ୍ରାନ ଖାନ୍ ସାଉଦି ଆରବ ଯାଇଥିଲେ ସେତେବେଳେ ପ୍ରିନ୍ସ ଫହାଦ୍ ବିନ୍ ସୁଲତାନ୍ ଅବଦୁଲ୍ ଅଜିଜ୍ ତାଙ୍କୁ ଗୋଲ୍ଡ-ପ୍ଲେଡ୍ ଗନ୍ ଏବଂ ସୁନାର ଗୁଳି ଉପହାର ଦେଇଥିଲେ ।