ଇସଲାମବାଦ: ଉତ୍ତର ପାକିସ୍ତାନରେ ଏକ ପାହାଡରେ ହିମସ୍ଖଳନ ଘଟିବା ଯୋଗୁଁ ଏକ ପାକିସ୍ତାନୀ ପର୍ବତାରୋହୀଙ୍କର ମୃତ୍ୟୁ ଘଟିଛି । ଅନ୍ୟ ପର୍ବତାରୋହୀମାନେ ଆହତ ହୋଇଥିବା ଜଣାପଡିଛି ।
ପାକିସ୍ତାନର ଏକ ଗଣମାଧ୍ୟମର ଖବରାନୁଯାୟୀ, ସୋମବାର ଇଟାଲୀର ଚାରିଜଣ ଓ ପାକିସ୍ତାନର ତିନି ଜଣ ପର୍ବତାରୋହୀ ପାକିସ୍ତାନସ୍ଥିତ ଇସୋମନ ଘାଟିର ଏକ ଶୀର୍ଷରୁ ଓହ୍ଲାଉଥିବା ସମୟରେ ହିମସ୍ଖଳନ ହୋଇଥିଲା । ଯେଉଁଥିରେ ଜଣେ ପାକିସ୍ତାନୀ ପର୍ବତାରୋହୀଙ୍କର ମୃତ୍ୟୁ ହୋଇଥିବା ଜଣାପଡିଛି ।
ତେବେ ଅନ୍ୟ ପର୍ବାତାରୋହୀଙ୍କୁ ଉଦ୍ଧାର କରିବା ପାଇଁ ପାକିସ୍ତାନୀ ସେନାମାନେ ହେଲିକପ୍ଟର ସାହାଯ୍ୟରେ ପର୍ବତ ଶିଖରକୁ ଯାଇ ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ତେବେ ପର୍ବାତାରୋହୀଙ୍କ ମଧ୍ୟରେ ଇଟାଲୀର ଚାରି ଜଣ ନାଗରିକ ହେଲେ, ଟେରେସିୟୋ ବେଲୋ, ଲୁକା ମୋରେଲୈଟୋ, ଡେବିଡ ବର୍ଗାମିନ ଓ ଟିନା ଟୋଲ୍ଡୋ ।
ଇଟାଲିର ରାଜଦୂତ ଷ୍ଟେଫୋନା ପୋଣ୍ଟେକୋରୋଙ୍କ କହିବାନୂଯାୟୀ, ସୋମବାର ଏହି ଘଟଣା ଗିଜର ଜିଲ୍ଲାରେ ଘଟିଛି । ଘଟଣାରେ ଅନ୍ୟ ପର୍ବତାରୋହୀଙ୍କ ଉଦ୍ଧାର କାର୍ଯ୍ୟ ଜାରି ରହିଛି ।
