ଇସଲାମାବାଦ: ପାକିସ୍ତାନ ରାଷ୍ଟ୍ରୀୟ ବିଧାନସଭା ବାଚସ୍ପତି ଅସଦ କୈଶର କୋରୋନା ପଜିଟିଭ । ଗୁରୁବାର କୋରୋନା ଆକ୍ରାନ୍ତ ଜଣାପଡିବା ପରେ ତାଙ୍କ ପତ୍ନୀ ଓ ଝିଅ ମଧ୍ୟ ସଂକ୍ରମିତ। ଗତ ଏପ୍ରିଲ 24ରେ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ସାକ୍ଷାତ କରିଥିଲେ ଅସଦ ।
ନିକଟରେ ପାକ ପିଏମ ଇମ୍ରାନଙ୍କ କୋରୋନା ଟେଷ୍ଟିଂ କରାଯାଇଥିଲା । ରିପୋର୍ଟ ନେଗେଟେଭି ଆସିଛି । କାରଣ ସେ ଜଣେ କୋରୋନା ସଂକ୍ରମିତଙ୍କ ସଂସ୍ପର୍ଶରେ ଆସିଥିଲେ । ଇମ୍ରାନ ଖାନ ଇଧି ଫାଉଣ୍ଡେସନ ଚ୍ୟାରମେନ ଫୈସଲ ଇଧିଙ୍କୁ ଭେଟିଥିଲେ । ଯିଏ କି କୋରୋନା ଲଢେଇ ପାଇଁ ଆର୍ଥିକ ସହାୟତା ଦେବାକୁ ଆସିଥିଲେ । ପରେ ଇଧି ଚ୍ୟାରମେନ କୋରୋନ ଆକ୍ରାନ୍ତ ବୋଲି ଜଣାପଡିଥିଲା ।
ପାକିସ୍ତାନର ଦକ୍ଷିଣ ପ୍ରାନ୍ତ ରାଜ୍ୟପାଳ ମଧ୍ୟ କୋରୋନା ଆକ୍ରାନ୍ତ । ପ୍ରଧାନମନ୍ତ୍ରୀଙ୍କ ଅତି ନିକଟତର ଇସମାଇଲଙ୍କ ଠାରେ କୋରୋନା ଚିହ୍ନଟ ହୋଇଛି । ଏହା ପୂର୍ବରୁ ସିନ୍ଧ ଶିକ୍ଷା ମନ୍ତ୍ରୀ ସୟଦ ଗନି କୋରୋନାରେ ପୀଡିତ ଥିଲେ ବୋଲି ଜଣାପଡିଥିଲା ।
