ଇସଲାମାବାଦ: ପାକିସ୍ତାନରେ ଫିକା ପଡିଲା ଇଦ୍ ପର୍ବ। ବିନା ପାରମ୍ପରିକ ଉତ୍ସବରେ ଆଜି ଇଦ ପାଳୁଛି ସାରା ଦେଶ । କୋରୋନା ମହାମାରୀ ଯୋଗୁଁ ଦେଶରେ ଅନେକ ଲୋକଙ୍କ ଜୀବନ ନେଇଛି । ନିକଟରେ ବିମାନ ଦୁର୍ଘଟଣାରେ 97 ଜଣଙ୍କ ଜୀବନ ଯାଇଛି । ଫଳରେ ଇଦ ପୂର୍ବରୁ ବିନା ଉତ୍ସବରେ ପାଳନ କରାଯାଉଛି ।
ରାଷ୍ଟ୍ରପତି ଆରିଫ ଅଲଭି ଦେଶବାସୀଙ୍କୁ ଏକ ସନ୍ଦେଶ ଦେଇଛନ୍ତି, ଯେଉଁଥିରେ ସେ କହିଥିଲେ, ଚଳିତ ବର୍ଷ ଇଦକୁ ପିଆଇଏ ଶଦୀହ, ଡାକ୍ତର, ନର୍ସ ଓ କୋରୋନା ଆକ୍ରାନ୍ତ ସମେତ ସେହି ଶ୍ରମିକମାନେ ଯେଉଁମାନେ ବଞ୍ଚିବା ପାଇଁ ସଂର୍ଘଷ କରୁଛନ୍ତି ସେମାନଙ୍କ ପାଇଁ ଉତ୍ସର୍ଗ କରାଯାଉ ।
ଏହା ସହ ସମସ୍ତ ଦେଶବାସୀଙ୍କୁ ନିବେଦନ କରି କହିଛନ୍ତି ଘରେ ସୁସ୍ଥ ରହିବା ସହ ଇଦି ପାଳନ କରିବାକୁ କହିଛନ୍ତି । ସାମାଜିକ ଦୂରତା, ମାସ୍କ, ବାରମ୍ବାର ହାତ ଧୋଇବାକୁ ମଧ୍ୟ ରାଷ୍ଟ୍ରପତି ପରାମର୍ଶ ଦେଇଛନ୍ତି ।
ଘରେ ଇଦ୍ ପ୍ରାର୍ଥନାକୁ ସହଜ କରିବା ପାଇଁ ପାକିସ୍ତାନ ଟେଲିଭିଜନରେ ପ୍ରସାରଣ ହେବ ଇସଲାମାବାଦର ପୈସାଲ ମସଜିଦରେ ଅନୁଷ୍ଠିତ ପ୍ରାର୍ଥନା । ଏନେଇ କହିଛନ୍ତି ସୂଚନା ମନ୍ତ୍ରୀ ଶିବଲି ଫରାଜ ।
@IANS
