କାଠମାଣ୍ଡୁ: 3 ଟି ପୃଥକ ବୋମା ବିସ୍ଫୋରଣରେ ଦୋହଲିଲା ନେପାଳର ରାଜଧାନୀ କାଠମାଣ୍ଡୁ । ରବିବାର ଲଗାତାର ହୋଇଥିବା ଏହି ବିସ୍ଫୋରଣରେ 4 ଜଣଙ୍କର ମୃତ୍ଯ ଘଟିଥିବା ବେଳେ ଅନ୍ୟ 7 ଜଣ ଗୁରୁତର ଆହତ ହୋଇଛନ୍ତି । କାଠମାଣ୍ଡୁର ସୁଖେଡା, ଘାଟଟେକୁଲୋ ଏବଂ ନାଗଧୁଙ୍ଗାରେ ଏହି ଆତ୍ମଘାତୀ ବିସ୍ଫୋରଣ ଘଟିଛି ।
ସେପଟେ ଏହି ମାମଲାରେ ଏବେ ସୁଦ୍ଧା 9 ଜଣଙ୍କୁ ଗିରଫ କରାଯାଇଛି । ବିସ୍ଫୋରଣ ପରେ ଆଖପାଖ ଅଞ୍ଚଳକୁ ପୋଲିସ ଦ୍ବାରା ବନ୍ଦ କରାଯିବା ସହ ସହ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଘଟଣା ପରେ ସୁରକ୍ଷାକର୍ମୀଙ୍କୁ ହାଇ ଆଲର୍ଟ କରାଯାଇ କାଠମାଣ୍ଡୁର ପ୍ରମୁଖ ଅଞ୍ଚଳରେ ଭାରି ମାତ୍ରାରେ ସୁରକ୍ଷାକର୍ମୀଙ୍କୁ ନିୟୋଜିତ କରାଯାଇଛି ।
ତେବେ ଘଟଣା ପଛରେ ପ୍ରତିବନ୍ଧିତ କମ୍ୟୁନିଷ୍ଟ ସମୁହର ହାତ ଥାଇପାରେ ବୋଲି ପୋଲିସ ସନ୍ଦେହ କରୁଥିବା ବେଳେ ତଦନ୍ତ ଜାରି ରହିଛି ।
