ଲାହୋର: ପାକିସ୍ତାନରେ ବିସ୍ଫୋରଣର ପୁଣି ଏକ ଖବର ସାମ୍ନାକୁ ଆସିଛି । ଲାହୋରର ବରକତ ମାର୍କେଟରେ ମଙ୍ଗଳବାର ବହୁ ସଂଖ୍ୟାରେ ସିଲିଣ୍ଡର ବିସ୍ଫୋରଣ ଘଟିଛି । ଜନଗହଳିପୂର୍ଣ୍ଣ ବଜାରରେ ହୋଇଛି ଏହି ବିସ୍ଫୋରଣ ।
ବିସ୍ଫୋରଣ ଖବର ପାଇ ଉଦ୍ଧାରକାରୀ ଟିମ ଘଟଣାସ୍ଥଳରେ ପହଞ୍ଚିସାରିଛନ୍ତି । ହେଲେ ଏହି ଘଟଣାରେ କେତେ ଜଣ ଆହତ ହୋଇଛନ୍ତି ଏନେଇ କୌଣସି ସୂଚନା ମିଳିପାରିନାହିଁ ।
ପାକିସ୍ତାନ ନ୍ୟୁଜ ଏଜେନ୍ସି ଅନୁଯାୟୀ, ପାଖାପାଖି 10ଟି ସିଲିଣ୍ଡର ବବିସ୍ଫୋରଣ ହୋଇଛି । ଘଟଣାରେ 12ଟି ଗାଡି ଓ ଅନେକ ଦୋକାନ ଧ୍ବଂସ ହୋଇଥିବା ମିଳିଛି ସୂଚନା ।
ଘଟଣାସ୍ଥଳକୁ କର୍ଡନ କରାଯାଇ ନିଆଁ ଲିଭା କାର୍ଯ୍ୟ ଜାରି ରହିଛି । ଗୋଟିଏ ପରେ ଗୋଟିଏ ସିଲିଣ୍ଡର ଫାଟୁଥିବା କାରଣରୁ ଉଦ୍ଧାରକାରୀ ଦଳକୁ ପାଖକୁ ଯିବାରେ କଠିନ ହୋଇପଡିଥିଲା ।
