ଇସଲାମାବାଦ: ମୁମ୍ବାଇ ଆକ୍ରମଣର ମାଷ୍ଟରମାଇଣ୍ଡ ହାଫିଜ ସଇଦ ଘର ବାହାରେ ବଡ ବିସ୍ଫୋରଣ । ଏହି ବିସ୍ଫୋରଣରେ 2 ଜଣଙ୍କ ମୃତ୍ୟୁ ହୋଇଥିବାବେଳେ ପାଖାପାଖି 15 ଜଣ ଆହତ ହୋଇଛନ୍ତି । ପାକିସ୍ତାନର ଲାହୋର ସହର ସ୍ଥିତ ହାଫିଜ ସଇଦ ଘର ବାହାରେ ହୋଇଛି ଏହି ବିସ୍ଫୋରଣ ।
ଆହତକୁ ହସ୍ପିଟାଲରେ ଭର୍ତ୍ତି କରାଯାଇଛି । ବିସ୍ଫୋରଣ ଏତେ ଶକ୍ତିଶାଳୀ ଥିଲା ଯେ ଆଖପାଖ ଘରର ଝରକା କବାଟର କାଚ ଭାଙ୍ଗିରୁଜି ଚୁରମାର ହୋଇଯାଇଛି । ଘଟଣାରେ 2 ଜଣଙ୍କର ମୃତ୍ୟୁ ହୋଇଥିବା ପାକିସ୍ତାନର ଡନ ନ୍ୟୁଜ ସ୍ପଷ୍ଟ କରିଛି ।
ଆକ୍ରମଣ କିଏ ଓ କାହିଁକି କରିଛି, ଏନେଇ ବର୍ତ୍ତମାନ ସୁଦ୍ଧା କୌଣସି ଖବର ମିଳିପାରିନାହିଁ । ଏହାସହ ବିସ୍ଫୋରଣ ସମୟରେ ହାଫିଜ ସଇଦ ଘରେ ଥିଲା କି ନାହିଁ ଏନେଇ ମଧ୍ୟ ସ୍ପଷ୍ଟ ସୂଚନା ମିଳିନାହିଁ । ଏହା ହାଫିଜ ଘର ଉପରେ ପ୍ରଥମ ଆକ୍ରମଣର ମାମଲା ନୁହେଁ, ଆଗରୁ ମଧ୍ୟ ଆତଙ୍କୀ ହାଇକମାଣ୍ଡ ହାଫିଜ ସଇଦ ଉପରେ ଅନେକ ଥର ଆକ୍ରମଣ କରିବାକୁ ପ୍ରୟାସ କରାଯାଇସାରିଛି ।
