ଇସଲାମାବାଦ: କୋରୋନା ପ୍ରଭାବ ସତ୍ତ୍ବେ ସାରା ବିଶ୍ବରେ ନିରାଡମ୍ବର ଭାବେ ପାଳନ ହୋଇଛି ଷଷ୍ଠ ଅନ୍ତର୍ଜାତୀୟ ଯୋଗ ଦିବସ । ପାକିସ୍ତାନସ୍ଥିତ ଭାରତୀୟ ଦୂତାବାସରେ ମଧ୍ୟ ଏହି ଦିବସକୁ ସୁରକ୍ଷିତ ପଦକ୍ଷେପ ସହ ପାଳନ କରାଯାଇଛି । ସୁରକ୍ଷିତ ସାମାଜିକ ଦୂରତ୍ବ ବଜାୟ ରଖି ଏହି ଯୋଗ କରିବା ସହ ଭାରତୀୟ ଦୂତାବାସରେ ଏହି ଦିବସକୁ ସୁରୁଖୁରୁରେ ପାଳନ କରାଯାଇଛି ।
ଏହି କାର୍ଯ୍ୟକ୍ରମରେ ଭାରତୀୟ ଉଚ୍ଚ ଆୟୋଗ ଅଧିକାରୀମାନେ ସାମିଲ ହୋଇ ଯୋଗ କରିଥିଲେ । ଏଥିସହ କୋରୋନା ସଂକ୍ରମଣରୁ ରକ୍ଷା ପାଇଁ ଲୋକଙ୍କୁ ‘#ୟୋଗାଆଟ୍ହୋମ’ ଓ ‘#ୟୋଗାୱିଥଫ୍ୟାମିଲି’ର ବାର୍ତ୍ତା ଦେଇଥିଲେ । ଏହି ବାର୍ତ୍ତାରେ ସେମାନେ ଏହି ମଧ୍ୟ କହିଥିଲେ କି ଯୋଗ ଦ୍ବାରା ନା ଯେ କେବଳ ଶରୀରର ସୁସ୍ଥ ରୁହେ ତାହା ନୁହେଁ, ଏହା ଦ୍ବାରା ମନ ଓ ମସ୍ତିଷ୍କ ସୁସ୍ଥ ରୁହେ । ବର୍ତ୍ତମାନ କୋରୋନା ସଂକ୍ରମଣରୁ ନିଜକୁ ସୁରକ୍ଷିତ ରଖିବାକୁ ହେଲେ ଏହାର ଅତି ଆବଶ୍ୟକତା ରହିଥିବା ଟ୍ବିଟ ଯୋଗେ ଜଣା ଯାଇଥିଲା ।
ଅନ୍ୟପଟେ ପାକିସ୍ତାନରେ କୋରୋନା ସଂକ୍ରମଣ ନିୟନ୍ତ୍ରଣ ବାହାରକୁ ଯାଉଥିବା ଦେଖିବାକୁ ମିଳିଛି । ଦେଶରେ ଗତ 24 ଘଣ୍ଟା ମଧ୍ୟରେ 6604ଜଣ ନୂଆ ଆକ୍ରାନ୍ତ ଚିହ୍ନଟ ହେବା ସହ ମୋଟ ଆକ୍ରାନ୍ତ ସଂଖ୍ୟା 1ଲକ୍ଷ 77 ହଜାର ପାର କରିଛି । ସେପଟେ ବର୍ତ୍ତମାନ ସୁଦ୍ଧା 67,892 ଜଣ ସୁସ୍ଥ ହୋଇ ଘରକୁ ଫେରିଛନ୍ତି ଓ 3501ଜଣ କୋରୋନାରେ ପ୍ରାଣ ହାରିଛନ୍ତି ।
@ANI
