ଜାକର୍ତ୍ତା: ଇଣ୍ଡୋନେସିଆକୁ ଦୋହଲାଇଛି ଭୟଙ୍କର ଭୂକମ୍ପ ଝଟକା । ରେକ୍ଟର ସ୍କେଲରେ ଏହାର ତୀବ୍ରତା 6.8 ରହିଥିବା ଜଣାପଡିଛି । ଗୁରୁବାର ଅନୁଭୂତ ଏହି ଶକ୍ତିଶାଳୀ ଭୂକମ୍ପ ଦେଶର ଉତ୍ତର ମାଲୁକୁରେ ବିଶେଷ କ୍ଷୟକ୍ଷତି କରିଥିବା ଦେଖିବାକୁ ମିଳିଛି । ହେଲେ ଏହି ଭୂକମ୍ପ ଯୋଗୁଁ ଦେଶରେ ସୁନାମିର କୌଣସି ଭୟ ରହିନଥିବା ପାଣିପାଗ ଓ ଭୂତତ୍ତ୍ବ ବିଭାଗ ସ୍ପଷ୍ଟ କରିଛି ।
ସୂଚନା ମୁତାବକ ପାଣିପାଗ ଓ ଭତତ୍ତ୍ବ ବିଭାଗ ପ୍ରଥମେ ଭୂକମ୍ପର ତୀବ୍ରତା 7.1 ରହିଥିବା ଘୋଷଣା କରିଥିଲେ । ହେଲେ ପରବର୍ତ୍ତୀ ସମୟରେ ଏହା 6.8 ବୋଲି ସ୍ପଷ୍ଟ କରିଥିଲେ । ଏନେଇ ବିଭାଗୀୟ ଅଧିକାରୀ ୱାହ୍ୟୁ କୁର୍ଣ୍ଣିୟାୱାନ କହିଛନ୍ତି । ଅପରାହ୍ନ ପ୍ରାୟ 3ଟା 49 ମିନିଟ ସମୟରେ ଭୂକମ୍ପ ଅନୁଭୂତ ହୋଇଥିବା ବେଳେ ଏହାର ଉତ୍ପତ୍ତିସ୍ଥଳ ପୁଲାଓ ମାରୋତାଇ ଜିଲ୍ଲାର ଦାରୁବା ଗାଁଠାରୁ 89 କିଲୋମିଟର ଉତ୍ତରପଶ୍ଚିମ ଦିଗରେ ରହିଥିବା ଜଣାପଡିଛି । ଏହାର ଗଭୀରତା ସମୁଦ୍ରପତ୍ତନଠାରୁ 112 କିଲୋମିଟର ତଳକୁ ରହିଥିବା ମଧ୍ୟ ସେ କହିଛନ୍ତି ।
ତେବେ ଏଥିରୁ ସୁନାମିର ଭୟ ରହିନାହିଁ । ତେବେ ଇଣ୍ଡୋନେସିଆରେ ବର୍ଷତମାମ ଭୂକମ୍ପ ଅନୁଭୂତ ହେଉଥିବାରୁ ଏହାକୁ ‘ଦି ପ୍ୟାସିଫିକ ରିଙ୍ଗ ଅଫ ଫାୟାର’ ବୋଲି ନାମିତ କରାଯାଇଛି ।
@IANS
