କଲମ୍ବୋ: ତୀର୍ଥ ପାଇଁ ଭାରତ ଆସି କୋରୋନାରେ ସଂକ୍ରମିତ ହୋଇଛନ୍ତି ଶ୍ରୀଲଙ୍କାର ଜଣେ ମହିଳା । ଶୁକ୍ରବାର ସେ କୋରୋନା ପଜିଟିଭ ଚିହ୍ନଟ ହୋଇଥିବା ବେଳେ ଦେଶ ବାହାରେ ସଂକ୍ରମିତ ହୋଇଥିବା ଶ୍ରୀଲଙ୍କାରେ ଏହା ପ୍ରଥମ ମାମଲା । ବର୍ତ୍ତମାନ ଦେଶର 40ଟି କ୍ବାରେଣ୍ଟାଇନ ସେଣ୍ଟରରେ 3500 ଲୋକଙ୍କୁ ରଖାଯାଇଥିବା ବେଳେ ଏହା କ୍ବାରେଣ୍ଟାଇନ ସେଣ୍ଟର ବାହାରର ପ୍ରଥମ ମାମଲା ।
ଏଯାବତ ଦେଶରେ ସମସ୍ତ ଆକ୍ରାନ୍ତ କ୍ବାରେଣ୍ଟାଇନ ସେଣ୍ଟରରୁ ଚିହ୍ନଟ ହୋଇଥିବା ବେଳେ ବାହାରୁ ଆସିଥିବା ଏହା ପ୍ରଥମ ମାମଲା । ଯାହା ଲୋକଙ୍କ ପ୍ରତି ସାମାନ୍ୟ ବିପଦ ସୃଷ୍ଟି କରିଛନ୍ତି ନିଶ୍ଚିତ ବୋଲି କହିଛନ୍ତି ଶ୍ରୀଲଙ୍କାର ଜଣେ ଡାକ୍ତର । ରିପୋର୍ଟ ମୁତାବକ ଶ୍ରୀଲଙ୍କାରେ ବର୍ତ୍ତମାନ ସୁଦ୍ଧା କୋରୋନାରେ 268 ଆକ୍ରାନ୍ତ ଓ 7 ମୃତ୍ୟୁର ସୂଚନା ରହିଛି । କିନ୍ତୁ ଏହି ମହିଳାଙ୍କ ଖବର ଜଣା ଯିବା ପରେ ଲୋକଙ୍କ ଉପରେ କଡା ନଜର ରଖାଯାଇଛି ।
ସମ୍ପୃ୍କ୍ତ ମହିଳା ଜଣଙ୍କ କାହା ସଂସ୍ପର୍ଶରେ ଆସିଛନ୍ତି ସେନେଇ ତଦନ୍ତ ଜାରି ରହିଛି । ସେପଟେ ଦେଶରେ ଏପ୍ରିଲ 20 ପର୍ଯ୍ୟନ୍ତ ଲକଡାଉନ ଘୋଷଣା ହୋଇଛି । ଯେଉଁଥିରେ କୌଣସି ପରିବର୍ତ୍ତନ କରାଯାଇନାହିଁ ।
