ନୂଆଦିଲ୍ଲୀ: କାୟା ବଢାଉଛି କୋରୋନା (COVID-19) । ଧୀରେ ଧୀରେ ନେଇଯାଉଛି ଗୋଟିଏ ପରେ ଗୋଟିଏ ମୁଣ୍ଡ । ସେପଟେ ବଢାଇ ଚାଲୁଛି ଆକ୍ରାନ୍ତଙ୍କ ସଂଖ୍ୟା । ଚାଇନାକୁ ଗ୍ରାସିଥିବା କୋରୋନା ଏବେ ସାରା ବିଶ୍ବରେ ଏହି ଭାଇରସକୁ ବିସ୍ତାର କରିବାରେ ଲାଗିଛି । ଡେଣା ଲଗାଇ ଉଡିଉଡି ପାଖାପାଖି 50ଟି ଦେଶରେ ନିଜର ଉପସ୍ଥିତି ଜାହିର କରିଛି ।
ସାରା ବିଶ୍ବରେ କୋରୋନା ଭାଇରସରେ ଏବେ ମୃତ୍ୟୁ ସଂଖ୍ୟା 3000କୁ ଛୁଇଁଛି । ସେହିପରି ଆକ୍ରାନ୍ତଙ୍କ 87000 ରେ ପହଞ୍ଚିଛି । ଯାହା ଏବେ ବିଶ୍ବ ସ୍ବାସ୍ଥ୍ୟ ସଙ୍ଗଠନକୁ ଚିନ୍ତାରେ ପକାଇଛି ।
ଇଟାଲୀରେ ମୃ୍ତ୍ୟୁ ସଂଖ୍ୟା 34
କୋରୋନା ଭାଇରସରେ ଅଧିକ ମୃତ୍ୟୁ ଚୀନରେ ହୋଇଛି । ହେଲେ ତାତଳକୁ ଇଟାଲୀ ରହିଛି ଯେଉଁଠି ମୃତ୍ୟୁ ସଂଖ୍ୟା 34 ରେ ପହଞ୍ଚିଛି । ପାଖାପାଖି 1577 ଜଣ ଆକ୍ରାନ୍ତ ହୋଇଛନ୍ତି ।
ଦକ୍ଷିଣ କୋରିଆରେ 20 ମୃତ
ଦକ୍ଷିଣ କୋରିଆରେ ମଧ୍ୟ କୋରୋନା ଭାଇରସରେ ମୃତ୍ୟୁ ସଂଖ୍ୟା ବଢୁଛି । ରବିବାର 3 ଜଣଙ୍କ ମୃତ୍ୟୁ ହୋଇଥିବାରୁ ଏହା 20କୁ ଛୁଇଁଛି । ତେବେ ଆକ୍ରାନ୍ତଙ୍କ ସଂଖ୍ୟା 3700ରେ ପହଞ୍ଚିଛି ।
ନ୍ୟୁୟର୍କରେ ପ୍ରଥମ କୋରୋନା ଆକ୍ରାନ୍ତ ଚିହ୍ନଟ
କୋରୋନା ଭାଇରସ ଧିରେ ଧିରେ ବିଶ୍ବରେ କାୟା ମେଲାଉଥିବାବେଳେ ନ୍ୟୁୟର୍କରେ ପ୍ରଥମ କୋରୋନା ଆକ୍ରାନ୍ତ ଚିହ୍ନଟ ହୋଇଛି । ତାଙ୍କୁ ଡାକ୍ତରଖାନାରେ ରଖାଯାଇ ଚିକିତ୍ସିତ କରାଯାଉଛି ।
ସେହିପରି ସ୍ପେନରେ 71 କୋରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ୟୁକେରେ 36 ଜଣ ଚିହ୍ନଟ ହୋଇଛନ୍ତି । ଅନ୍ୟପଟେ ସାରା ବିଶ୍ବରେ 40000 ଆକ୍ରାନ୍ତ ସୁସ୍ଥ ହୋଇଥିବା ଜଣାପଡିଛି ।
IANS, ANI ସହ ବ୍ୟୁରୋ ରିପୋର୍ଟ
