ଢାକା: ବର୍ତ୍ତମାନ କୋରୋନା ସ୍ଥିତିକୁ ନଜରରେ ରଖି ଇଦ୍ର ବେଶ କିଛି ସମୟ ଆଗରୁ ଘୋଷଣା ହୋଇଥିଲା କି ବାଂଲାଦେଶରେ କୌଣସି ଖୋଲା ସ୍ଥାନରେ ସାମୂହିକ ନମାଜ ପାଠ ହେବ ନାହିଁ । ଲକଡାଉନ କଟକଣାକୁ ନଜରରେ ରଖି ରାଜଧାନୀ ଢାକାସ୍ଥିତ ଜାତୀୟ ଇଦ୍ଘାଠାରେ ଅନୁଷ୍ଠିତ ହେବାକୁ ଥିବା କାର୍ଯ୍ୟକ୍ରମକୁ ମଧ୍ୟ ବାତିଲ କରାଯାଇଥିଲା । ତଥାପି ବେଶ ଆଡମ୍ବର ସହ ଦେଶରେ ସୋମବାର ପାଳନ ହୋଇଛି ଇଦ୍ ପର୍ବ ।
ଦେଶର ବିଭିନ୍ନ ମସଜିଦରେ ଅନେକ ଲୋକେ ଏକାଠି ହୋଇ ଇଦ୍-ଉଲ-ଫିତର ପ୍ରାର୍ଥନା କରୁଥିବା ଦେଖିବାକୁ ମିଳିଥିଲା । ତେବେ ଲୋକଙ୍କ ଉତ୍ସାହକୁ ଦେଖି ହସିନା ସରକାର ଗତ ସପ୍ତାହ ଘୋଷଣା କରିଥିଲେ କି କୌଣସି ଖୋଲା ଜାଗାରେ ସାମୂହିକ ପ୍ରାର୍ଥନା ହେବ ନାହିଁ । ମସଜିଦମାନଙ୍କରେ ସାମୂହିକ ପ୍ରାର୍ଥନା ହେବାକୁ ଥିଲେ ଲୋକେ ନିଜ ଘରୁ ମ୍ୟାଟ ଆଣିବା ସହ ମାସ୍କର ବ୍ୟବହାରକୁ ବାଧ୍ୟତାମୂଳକ କରାଯାଇଥିଲା । ଏନେଇ ସୋମବାର ବୈତୁଲ ମୁକାରାମ ଜାତୀୟ ମସଜିଦ ଆଗରେ ସକାଳୁ ଲୋକଙ୍କର ଲମ୍ବା ଲାଇନ ଲାଗିଥିବା ଦେଖାଯାଇଥିଲା ।
ତେବେ ଲୋକଙ୍କ ସୁରକ୍ଷାକୁ ନଜରରେ ରଖି ସେମାନଙ୍କ ପାଇଁ ମସଜିଦରେ ପ୍ରବେଶ ପୂର୍ବରୁ ଏକ ଡିସଇନଫେକ୍ଟ ଟନେଲ ଦେଇ ଗତି କରିବାର ବ୍ୟବସ୍ଥା ହୋଇଥିଲା । ଏଠାରେ ଶତାଧିକ ଲୋକେ ପର୍ଯ୍ୟାୟକ୍ରମେ ଆସି ନମାଜ ପାଠ କରିଥିଲେ । ସେପଟେ ବର୍ତ୍ତମାନ ସୁଦ୍ଧା ଦେଶରେ 33,610ଜଣ ଲୋକେ ଆକ୍ରାନ୍ତ ହୋଇଥିବା ବେଳେ ମୃତ୍ୟୁ ସଂଖ୍ୟା 1532ରେ ପହଞ୍ଚିଥିବା ଜଣାପଡିଛି ।
@IANS
